國企指數
恒 指波幅指數近20日

VIX指數 近5日

上証綜指
深圳成指
滬深300

2017年8月11日 星期五

實力取勝 - 陳承龍 2017年8月11日

實力取勝 - 陳承龍 2017年8月11日


【實力取勝】滙控中移動輪流炒(陳承龍)(第137期)

2017-8-10 18:00:46


執筆呢一刻,小弟都忍唔住爆喇,因為隻騰訊(00700.HK)的確好‧很‧勁,唔單止睇股價見到,收市後有北水數字,滬港通騰訊控股北水淨流入5.117億;深港通騰訊控股淨流入4.084億元,

雖然有睇直播節目嘅讀者都會知道,小弟愛股係滙控(00005.HK),冇乜點介入隻騰訊,但都忍唔住講句:好癲,滬深兩邊加埋差不多10億,咁買法想跌都難。

公司有同事已經坐底睇今年恒指見三萬二,超過2007年水平,講真,大牛市一次高於一次係常識,香港最吸引外資嘅資產得兩樣,樓市同股市,樓市過去十年已經連環升穿07價、97價,無限破頂,股市流動性大,一年內追番之前啲頂,真係話都冇咁易。

不過,個市不能全靠騰訊去支撐,推指數肯定會輪流炒。要有少少想像力,資金並唔係我哋散戶嘅資金,而係足以買起成隻藍籌嘅大戶,要有足夠流動性入,到走嘅時候又要甩到身,所以就要搵所謂「人氣股」去炒。加上多人氣,多人炒,股份長期係市場焦點,升勢先可以持久。

最緊要係,股份要令人覺得「有買貴,冇買錯」嘅安心。千萬唔好買一啲冇太大人氣嘅股,因為一「熄燈」,自己走唔切,就玩完,最怕自己成手都係貨,做咗接火棒嘅傻仔。倒返轉諗,其實大型基金仲易做傻仔,因為佢哋一買就數以億計錢咁買,香港股票市場深度,宏觀啲睇並唔足夠,好簡單,成交10億元以上嘅股票,截稿星期二計,只得10隻,大型基金如果要散貨又唔影響股價,閒閒哋要一個星期,升夠要走都要揀啲大流量、有人氣、有話題,確保仲有下一手接貨。

所以小弟覺得,下一輪升市到三萬點,應該由:港交所(00388.HK)、中移動(00941.HK)、滙控(00005.HK)、內銀,同調整足足三星期嘅賭股帶動。

字數有限,個別講嚇佢哋啲「話題」,好似我愛股滙控,恒常回購已經吸引到全球投資者注視,如果我係行政總裁歐智華,一定將好消息一個一個公佈。滙控外圍有縮表同加息利好因素,到2018年初公佈全年業績時,又有憧憬宣布加碼回購,同埋一個亮麗嘅盈利增長。滙控依家貨源歸邊同大量空倉未補,年尾肯定見100元,出年2月公布回購加靚業績,升到120元都唔出奇。「人不為己 ,天誅地滅」,歐智華講明2018年底離任,佢自己嗰200萬股,容乜易增值到2.4億元。

另一隻小弟新加嘅中移動(00941.HK),推介第一原因:收到風。不過,大市升到現水平,一定要搵落後股接力,比起滙控更落後而又成交大、指數成份大,一定係中移動,7月全世界睇淡,80蚊都可以升得返上嚟,擺明用佢哋挾指數,今浪先睇90蚊,可能篇文見街時已經到價,到時再睇直播update啦!

記住,要買一啲可以不停炒一兩年消息嘅股啦!

實力取勝 - 陳承龍 舊文
來源 source: http://www.winmoney.hk