恆生指數
國企指數
恒 指波幅指數近20日

VIX指數 近5日

上証綜指
深圳成指
滬深300

文章漏咗/建議:按此通知

2017年9月7日 星期四

金融High Tea 2017年9月7日

金融High Tea 2017年9月7日
恒基土儲有排食
2017年09月07日
  港股昨日受外圍影響而急插,但個別板塊係大市跌得最急時都照升,走勢有啲估佢唔到。昨日嘅強勢股,其中一隻係恒基地產(012) 。地產股造好,最直接解釋係新盤開售呢排好旺。由華懋發展嘅荃灣樓盤全‧城滙,於八月下旬開售,僅經九日銷售時間,全盤即沽清。該

盤周二安排四個撻訂貨原價重售,結果早在登記前約兩小時,已有準買家在荃灣售樓處門外等候,最終獲約一千三百組買家登記搶購四伙,即平均每三百二十五組客爭購一伙。

  另一個由英皇國際(163) 與市建局合作發展的長沙灣新盤,昨日下午開售盡推全數136伙,單位折實平均呎價約17130元。現場所見,部份買家及代理提到到達售樓處外排隊報到,屢現人龍,代理預料將可「一Q清袋」。

  林鄭首置上車盤要搵地

  新盤銷售暢順利好發展股,另一個理由係政府而家周圍搵地,仲話要搞個全港大辯論定出搵地嘅方向。中環茶友拆局,搵地不外乎幾招,就係發展鄉郊,包括係郊野公園起樓,或者移山填海,仲有人建議用埋水塘嚟建屋,但要減輕土地不足嘅問題,根本無終極一招可以做到,最終可能要多管齊下。如果要多方面搵地,咁發展商手頭持有嘅農地,係必然要採納嘅出路。特首林鄭月娥啱啱拋出首置上車盤,話明起啲有折扣嘅單位俾年輕中產買,呢啲樓有限制轉售,但售價都唔會太平,但要起樓地從何來呢?而家仲未有知,但答案已經寫係牆上啦。

  內房股仔炒作勁
  內地發展商早排高價來港投地,呢排稍為收斂,加埋政府要搵地起屋,成個大氣候都對本地發展商變得有利,咁係本地發展商邊個得益大啲呢?咁不出幾間持有農地嘅龍頭發展商,所以早排新地(016) 已經創左新高,恒基當然唔蝕底,要追番上嚟。茶友話,恒基手頭有不少舊樓同農地,若論持有農地數量應該全港數一、數二,加上大股東持股超過七成,近幾年都送吓股,所以如果政府俾農地起樓大開綠燈,咁恒基嘅土儲真係有排食。 

  個別股份造好,但港股周三隨外圍股市一度急跌,恒指低開最多跌過319點,低見27421,於27400獲支持,並於騰訊(700) 上升支持下,大市跌幅收窄,恒指收報27613,跌127點;國企指數收報11128,下滑62點,成交897億元。股王騰訊力撐大市,升0.75%,報324.2元,為恒指貢獻21點升幅。同時帶動部份科網股造好,美圖(1357) 升2%,報11.96元;天鴿互動(1980) 升2.5%,報5.44元;百富環球(327) 升3.8%,報4.39元;金蝶國際(268) 升7%,報3.85元。

  香港地產股好,內房股都續有炒作,雅居樂(3383) 升3.5%,報10元;近排強勢嘅世房(813) 升3.3%,報16.32元;融創(1918) 升2.4%,報25.9元。內房股仔仲炒得勁,時代地產(1233) 升9%,報7.19元;大悅城地產(207) 升10%,報1.48元;奧園(3883) 升15%,報3.96元;百仕達(1168) 升17%,報1.27元。

  陸羽仁
金融High Tea 舊文