國企指數
恒 指波幅指數近20日

VIX指數 近5日

上証綜指
深圳成指
滬深300

2018年5月15日 星期二

大棋局 - Mr. Tregunter 2018年5月15日

大棋局 - Mr. Tregunter 2018年5月15日


大棋局:石油大茶飯即將上演


■中國為世界第一石油買家,但從來對石油冇定價權,遲早都會脫離石油美元自搞一套。資料圖片



特朗普退出伊朗核協議並非神經刀,去年10月會見軍方高層時,便已經向記者暗示伊朗問題係「暴風雨前的寧靜」。

伊朗問題,癥結其實很清晰。全球所有已知石油

蘊藏量,伊朗佔十分一,伊朗天然氣資源亦排世界第二。美國要食出口能源呢口飯,第一件要做的事就係諗計限制其他人出口。制裁俄鋁(486)、限制中國貨進口,亦作如是觀,其實就係作為一種談判籌碼以及玩供給側改革,只不過係以限制人哋達到效果。明乎此點,自然明白整個貿易戰嘅核心喺邊到。

美國制裁伊朗分兩輪,時間上值得留意。第一輪90日後,禁止伊朗買入美元、黃金等等;第二輪180日後,禁止各國同伊朗石油、金融公司交易。180日後近2019年,也就係美國要成為原油淨出口國嘅時候。

除此之外,制裁伊朗透露一個清晰信息,就係早前制裁中興(763)係要嚟殺雞儆猴。中興就如被懸吊的那隻雞,警告其他馬騮仔,想偷偷地同伊朗做生意會有咁嘅下場。中興事件有冇轉圜餘地,就視乎特朗普認為示眾效果夠未。當中牽涉最大的,係中國一直想趁伊朗被制裁時,同伊朗傾以人民幣交易石油,擴大人民幣影響力。



中國要爭話事權
中國原油期貨今年3月26日上市,留意合約會發現一件事。原油要睇其液體比重及含硫量。國際原油3大主流,美國WTI及北海Brent原油,都屬於輕質低硫原油;中東阿曼原油則屬於高硫原油。中國主要入口中東原油,但期貨定位為中質含硫原油(較接近俄羅斯烏拉爾原油),有7種可交割原油品種。用最簡單講法,即中國原油期貨由定位開始,就係要賣甩美國。加上中國原油期貨以人民幣結算,想模仿石油美元,建立一套人民幣石油體系嘅目的就好明顯。

中國點解呢一刻想搞人民幣石油體系?因為美國即將成為原油淨出口國,賣甩過去作為石油美元中間人的中東國家。呢個就係空間,中國想趁石油美元迴路逆行之際,試圖插針去中東國推人民幣石油體系。

中國石油需求世界第一,美國要賣油,太需要中國這個市場;中國雖為第一買家,但從來對石油冇定價權,遲早都會脫離石油美元自搞一套。

以上重未計及世界上另一大石油勢力俄羅斯。俄羅斯、伊朗、敘利亞作為高加索能源走廊三大睇場,鐵三角關係非同一般,美國要搞伊朗也要問過俄羅斯。

貿易戰只係芸芸較量中的一個缺口,石油大茶飯台戲現在先要開始。

Mr. Tregunter
本欄逢周二刊出

Mr. Tregunter
大棋局 - Mr. Tregunter 舊文