國企指數
恒 指波幅指數近20日

VIX指數 近5日

上証綜指
深圳成指
滬深300

2018年7月10日 星期二

利字當頭 - 利世民 2018年7月10日

利字當頭 - 利世民 2018年7月10日


利字當頭:大陸還拖利好小米?


■小米董事長雷軍。 資料圖片


小米(1810)上市首日跌破超股價。嗱,咪話利世民之前冇講過:「蘋果尚且只有17.3倍市盈率,小米值幾多錢大家心裏有數。」順帶一提,資料顯示,以17元招股價計,推算出的市盈率為39.6倍;就算以2019年的預測盈利計,預測

市盈率仍然高達22.7倍。

做Gadget的市場,看似做得很大,其實利錢並不豐厚;蘋果是例外中的例外。話雖如此,蘋果的17.3倍市盈率,反映是一個增長平穩的標準。假如小米有明顯高瞻遠矚的顛覆能力,當另作別論。可惜,請恕我暫時看不出小米有這種條件。

「你逢中必反,梗係一味唱淡小米啦!」冤枉呀!我又何曾唱淡騰訊(700),係咪?喂阿哥,全中國有邊個可以唔用WeChat?但係Gadget大家都有好多選擇喎。將小米同騰訊類比,於理不合。我將小米同蘋果類比,其實已經畀足面。

常言道,資產市場價格,短期是一部投票機器(Voting Machine),長期則是一部磅重機器(Weighting Machine)。所以,人為力量的確可以在短期令到一間企業的股價偏離合理價值。小米市值四百億不到,規模不算太大,受到各種短期因素的影響也越大。

近來最多人講,莫過於中美的貿易和科技戰。撇除民族大義之類的主觀情感,宏觀因素利淡不利好是常識吧?不過我也有聽到有些獨到的分析說:「話唔定大陸政府向蘋果徵收懲罰性關稅,咁咪焗住要國民幫趁國產貨囉。」

當然,好難排除會有咁嘅機會,大前提要相信係習大大會同侵侵盡地一煲,同埋認為侵侵會怕咗添曲。不過,唔好忘記,曾幾何時大陸買蘋果都係經香港轉口。假如相信大陸會咁樣還拖,不如快快手去先達買個鋪位好過。

利世民
http://fb.com/leesimon.hk
本欄逢周二、四刊出

利世民
利字當頭 - 利世民 舊文