國企指數
恒 指波幅指數近20日

VIX指數 近5日

上証綜指
深圳成指
滬深300

2018年8月3日 星期五

股場解密 - 歐陽風 2018年8月3日

股場解密 - 歐陽風 2018年8月3日


【股場解密】中車時代唔怕買(歐陽風)
2018-8-3 9:45:32


之前先至講騰訊(00700.HK)在350元個位去年10月橫行了頗長時間,呢個位唔可以穿,居然一日就插穿比你睇,可見騰訊沽盤唔講得笑。收市後數據發現,騰訊單日北水撤資18.4億銀,呢個數好耐未見過,即使年前科

網股大時代見資金流入都未見過單一股票單日流動咁大條數,今次騰訊真是有排跌。

不過資金似乎流入了基建股,中車(01766.HK)收市幾乎唔使跌,其他多隻基建鐵路股收市都只跌了1%左右,較低位大幅反彈。假如過萬億市值的騰訊獲資金流出,包括基金的錢沽了貨會買什麼?當然是基建股、公用股等穩陣投資,所以市場總有機會,不用太過灰心。

摩根士丹利上周發表報告,預測2018至2020年內地對鐵路設施需求向好,相信中國鐵路總公司對2017至2020年鐵路交通規模的增長目標,將反映機車採購方面,該行因此上調中車時代電氣(03898.HK)機車產品收入預測,料隨著新高鐵線路完成加上載客量強勁,對高鐵組件需求在2019至2020年將有顯著增長。

報告又謂,公司的動車牽引系統通常每十至十三年,就需要進行更換,公司在2006年交付相關系統,預期更換周期將在2018年展開,而更換系統收入的強勁增長,料可抵銷鐵路設施的周期性需求影響,並支持公司在2020至2023年的盈利持續增長。

報告料中車時代估值可望復甦,公司現價相當於2018年預測市盈率的14倍,預期公司2018至2020年盈利增長將加速,年複合增長率可達25%,加上對其機車及動車需求樂觀,重申予「增持」評級,以現金流折現率計,目標價由49元升至57.2元。

中車時代難得跌回45元水平,呢個價位真係唔怕買。

股場解密 - 歐陽風 舊文
來源 source: http://www.winmoney.hk