恆生指數
國企指數
恒 指波幅指數近20日

VIX指數 近5日

上証綜指
深圳成指
滬深300

文章漏咗/建議:按此通知

2020年4月7日 星期二

大棋局 - Mr. Tregunter 2020年4月7日

大棋局 - Mr. Tregunter 2020年4月7日

產油國埋枱傾減產,是否傾成屬次要,因預期減產量都不及疫情下消失的耗油量。資料圖片

沙地同俄羅斯爆發石油戰,內幕逐漸浮面。沙地能源部長發聲明,批評俄羅斯能源部長暗示沙地想用價格戰排擠美

國頁岩油生產商。美國原定方略,最早2020年成為石油淨出口國。俄羅斯同沙地在減產協議上反枱,來到近期,似乎讓人看到項莊舞劍意在沛公。油價急劈,最先受挫係高負債的頁岩油生產商,而本周即將舉行的石油國會議,俄羅斯亦開聲要美國減埋一份。

4月1日美國惠廷石油公司(Whiting Petroleum)申請破產,分析機構Rystad Energy研究指,如油價維持20蚊(美元,下同),美國140個石油生產商今年可能會申請破產,出年又有另外400個石油生產商被迫清盤。普京亦唔怕打開口牌,直接講適合俄羅斯的油價係42蚊,其實係對美國及沙地叫價。特朗普當然冇咁順攤,佢嘅回應係,你班友唔減產,美國就對入口石油抽關稅。俄羅斯的策略係綑綁,要減產就美國一齊減;美國的策略係鬥兇,你唔減產就加你關稅。

各國都明白大蕭條教訓,唔可以玩貿易保護,唔可以玩關稅,否則攬炒。所以各國亦心中有數,扮攬炒係為講價。大家咀上都強硬,但大家都有意傾。普京開價油上番42蚊,特朗普亦開價所有產油國聯合每日減產1,000萬桶。最大問題並非傾唔成,各國有盤算,反反覆覆地傾好尋常。大問題在減產1,000萬桶有冇用?

股市反彈近尾聲

疫情爆發前,全球原油消耗約莫1億桶(每日,下同),供需缺口在100萬桶左右,即減產100萬桶油價會升,反之則跌。國際能源總署指疫情令全球原油消耗少2,000萬桶,但OPEC自己計數,沙特可減產300萬桶,OPEC其他成員國夾埋可減產150萬桶,俄羅斯可減產150萬桶,美國、加拿大以及巴西等國夾埋減產200萬桶,總數一日只減800萬桶。

最迅猛的升勢會出現在熊市而非牛市。世事往往得於斯,毀於斯,反之亦然。上月油價跌幅百分比創史上最大,上周油價升幅亦史上最大。產油國埋枱傾觸發油價最靚仔的反彈,但是否傾成已屬次要,因預期減產量都不及疫情下消失的耗油量。如此股市反彈亦接近中後段甚至尾聲,現非撈底時候。

油田一開採不能隨便停,各國都想其他人先停。於是明明知道如何避免重蹈覆轍,情勢發展卻導入輪迴軌跡,最終被黑格爾講中,人在歷史中唯一得到的教訓,係人不能在歷史中得到教訓。

Mr. Tregunter
本欄逢周二刊出
大棋局 - Mr. Tregunter 舊文