恆生指數
國企指數
恒 指波幅指數近20日

VIX指數 近5日

上証綜指
深圳成指
滬深300

文章漏咗/建議:按此通知

2017年2月12日 星期日

機會嚟喇 - 飛雲 2017年2月12日

機會嚟喇 - 飛雲 2017年2月12日


【機會嚟喇】祝你雞年低買高賣(飛雲)(第111期)

2017-2-12 15:00:54


原來,我在新春後的第一期,即係上期,無同大家拜年!不過,拜年這回事,最緊要有心,遲或早都不成問題,所以,現在就向大家補回一句:祝大家雞年股運亨通,隻隻股都做到低買高賣,贏得開心又暢快!

雖然

我係一個巨蟹座,本身性格上係比較感情豐富、浪漫而又具想像力的!奈何,可能是月亮星座、上升星座、或者暗黑星座的影響,好多時我又會好理性,思考問題都會從一些比較實際的角度出發,就好似同大家拜年咁,我都係祝大家隻隻低買高賣,而唔係隻隻爆升!因為我知道,從現實上來看,前者比後者易實現得多!

在現實中,爆升股的定義,人人不同,有人定義係單日爆一成以上、有人定義係兩成、三成、甚至一星期內升五成、或者一個月一倍等等。基本上,爆升這回事,並沒有一個統一而又客觀的準則。不過,大概不會有多少人好意思把自己所買中但只升了3%的股份說是爆升股吧!

當然,若然說「買邊隻升邊隻」,則意義上有點分別,而且上亦實際得多!只是,股票一係升、一係跌,兩者的可能性都是50%,換句話說,現實上的機會亦是只是一半半,同樣算不上太過穩陣。

反而,要做到低買高賣,情況則大大不同。只要你買入的價位夠低,就算隻股最終不能由跌變升,但只要買入之後,有升過上比你買入時更高的價位,哪怕只是一格,而你最終又能成功沽出,那樣,你同樣可以獲利而回,無用理會隻股最終是升是跌。所以,你可能從來無入過一隻爆升股,但同樣可以贏到開巷。

或許大家會覺得,我在玩弄文字,甚至根本不知我在說什麼!其實,我想說的很簡單,就是炒股票,不一定要買上升當中的股,處於跌勢中的股份,同樣有贏錢的機會存在。大定不一定要尋求強勢股、爆升股,低殘股、落後股、甚至暴跌股,同樣可以係機會股。兩者之間,哪一種比較可取,很難說,因為每一隻股票的升或跌,其實都是個別事件,原因不同,不能一概而論。但只要認清了這點,從此,選股出擊的範圍就可以大大增加。起碼,在跌市的日子,無甚爆升股、強勢股出現的時候,也不用只是得個睇字,唔知點做好!

當然,買下跌中的股份,比起上升中的股份,需要更大勇氣,因為,前者可以為人帶來樂觀情緒,贏面看似較大;後者則會讓人感到悲觀,要冒更高風險。只是,當了解到雙方其實存在著均等的獲利機會之後,成功克服了心理障礙,再加上好好地掌握一些技術指標以作輔助,這樣,大家的炒股功力就可以得到提升,更加全面,在股海中獲勝的機會也因而大增!

最後,再一次恭祝大家,雞年低買高賣,長賺長有!

機會嚟喇 - 飛雲 舊文
來源 source: http://www.winmoney.hk