金手指 - 孫柏文 2017年11月14日
金手指：撐雷鼎鳴叫雞論
■雷鼎鳴
科大經濟系前系主任雷鼎鳴早排忽然引述例子，話大陸啲人「叫雞」，即僱用女性性工作者，都用電子貨幣付款。一講，就令所有好dry嘅評論員譁然。
首先，買賣活動係合法，做愛又合法，點解買賣做愛就譁然呢？日日都大把人上tinder免費送做愛，不過一牽涉錢就被批評。
當然，我都想鬧雷教授。性工作係辛苦錢，性工作者唔應該用「雞」，咁樣其實係實現納粹德國政權嘅untermenschen理論，即話佢哋「連人都不如」。我諗雷教授用錯詞，唔係因有心untermenschen，佢作為前輩級香港自由市場運動家，一定覺得身體係自己嘅私產，鍾意點做就點做。我諗係因佢嗰代香港精英，英文好過中文好多，所以用錯詞。不過雷教授錯有錯著，一句爆紅。其實呢個話買賣做愛會否用你隻貨幣做該隻貨幣成功指標，雷教授唔係第一個，香港有人早過佢。邊個？咪就係孫柏文。
喺今年8月22日，我嗰篇題為〈給八達通公開信〉嘅文裏，都話只要有三類交易都收八達通，咁八達通就有得打，其中第一就係鳳姐。
我諗，香港出唔到高科技，其中一大原因就係啲評論員苦悶，搞到當年世界第一嘅八達通，啲管理層揀到入去，仲估run緊公益金、乜乜委員會等等。玩完。
孫柏文
金手指 - 孫柏文 舊文
來源 source: http://hk.finance.appledaily.com
