中環在線：羅康瑞忽然感慨講接班 - 李華華
羅康瑞（右）話絕對唔係自己建議阿女羅寶瑜（左）埋班。何耀勤攝
「上海姑爺」、瑞房（272）主席羅康瑞寶貝女羅寶瑜入董事局做執董，羅康瑞講講嚇阿女突然無限感慨，自動波大講「接班」同「專業管理」，「大家都聽過富不過三代，我唔希望喺我屋企發生；同
埋你都知我家族有啲變遷同鬥爭，唔想出現喺自己屋企，所以要專業管理。」
羅康瑞還「申報利益」，話絕對唔係自己建議阿女埋班，而係乖女不嬲負責新天地業務，喺年初向董事局匯報嘅時候，董事局成員覺得唔錯而建議入局。佢仲話，自己對仔女一向都高要求，仲講過幾次叫阿女遲啲先入董事局。他仲借傳媒「過橋」兼且好酸咁講句：「都唔知佢係咪想接班，不如你哋問嚇佢」。
湊孫幫輕阿女
至於阿女就話自己工作變化唔大，主要負責瑞房商業部份。羅康瑞補返句，阿女本身係新天地副主席，知佢工作已經繁忙，現時仲要入局做決策，自己都有「湊孫」幫輕嚇㗎。
李華華
LiWaWa@AppleDaily.com
中環在線 - 李華華 舊文
來源 source: http://hk.finance.appledaily.com
