恆生指數
國企指數
恒 指波幅指數近20日

VIX指數 近5日

上証綜指
深圳成指
滬深300

文章漏咗/建議:按此通知

2020年3月17日 星期二

Can Bank - 散子 2020年3月17日



Can Bank - 散子 2020年3月17日
央行聯手減息,的確可以令供樓支出減少,但前景不明朗下,不會有多少人願意揹咁大筆負債上身。

資料圖片
這兩個星期股市,完美演繹市場恐慌,筆者身邊不少朋友趁機會炒嚇上落,但被人左一巴右一巴嘅都唔少。

股市始終注碼可以控制,注碼唔多,心口掛個勇字都可以衝一下,好似首富李嘉誠話齋,唔好借錢賭就得。反觀樓市,在美聯儲大手減第二次息之後,本港基本利率都要下調,本港樓價高企多時,唔少人都蠢蠢欲動,準備衝入市。

問題是樓價會唔會好似03年般歷史重演,事實上,息口低已經一段長時間,今次央行聯手減息,的確可以令供樓支出減少,但更重要的問題是,市場普遍預期失業率會上升,理論上,新樓推出,在對前景的憂慮下,即使買家有錢亦都唔敢亂衝,住宅一向是港人最大投資,前景不明朗下,不會有多少人願意揹咁大筆負債上身。

至於之前已經買落的,在低息環境下,持貨成本仍然是較低,是否會大跌就要睇未來經濟情況,尤其是失業率。今次疫症全球大流行,個別歐洲地方更不設防對付,即是讓人感染至有抗體,換言之,演變成風土病的機會大,這種情況下,疫情很大機會需要至疫苗出現才告一段落,復蘇之路就會變得漫長,樓市出現陰乾式下跌的機會頗大。

散子
http://fb.com/散子-257101397966975
Can Bank - 散子 舊文