湯文亮專欄 - 湯文亮 2022年12月1日
賣了自住單位業主是最好租客
賣了自住單位業主是最好租客
美國聯儲局今年持續加息。 (資料圖片)
有老友本來打算將一個新裝修的單位租給一對夫婦，但後來發現那對夫婦剛賣了自住單位，他認為既然那對夫婦睇唔好香港地產，連自住單位都賣走，所以，他不準備租給那對夫婦，但佢又覺得唔妥，所以問一問我的意見。
我恭喜老友，話上天賜給他一份禮物，收租業主究竟求甚麼，就是一個好租客。好租客的定義，首先是有能力交租，其次是一個長期租客，剛賣了樓的業主就符合上述條件。賣了樓當然有一筆錢，所以不用擔心他們欠租，而那些賣了樓的業主，最終都是希望低價買返一個比以前更好單位，才能證明他們的眼光超準。不過，大多數賣了樓的業主最後都要做一個長期租客。所以，賣了自住單位的業主最符合收租業主的要求，千祈唔好唔租，就算平少少都租，寧願日後慢慢加租，嚴格來說，那個賣了樓業主唔替自己供樓，竟然幫其他人供樓，真是令人費解。
有人話錯錯錯，賣了樓有一大筆錢，可以買金融產品，保守一些又可以做定期存款，收4、5厘息都夠交租，真係唔知邊個蠢。如果買金融產品可以包賺，而利息長期在4、5厘，當然是賣樓之後租樓好，但金融產品不但不會包賺，甚至連渣都冇。
利息如果長期處於高水平，資產價格一定會攀升，而事實上當美國吸飽水之後，美息就會下跌，快則明年中，慢則後年初，唔跌都唔得，美國政府都捱唔住，而香港已與美元掛鈎，美息跌，港息亦會下跌。到時，那些賣了樓收息的業主就唔夠交租。
作者為紀惠集團副主席及行政總裁
湯文亮專欄 - 湯文亮 舊文
本文作轉載及備份之用 來源 source: http://www.am730.com.hk
