笑到最後｜Waymo意外發現的Me Time溢價（高明）
笑到最後｜Waymo意外發現的Me Time溢價（高明）
過去兩個星期都寫自動駕駛，因為呢件事實在太重要，影響深遠，今個星期繼續。6
月22日Tesla（TSLA）將會正式試行RoboTaxi服務，但今日先講 Waymo 嘅一份報告。
美股外幣即時報價 多國新聞任睇
70%用過Waymo嘅人都話鍾意
Obi平台報告指出，Waymo比Uber貴31%，比Lyft貴41%，但70%用過嘅人都話鍾意。關鍵發現係，重點唔係越平越好，而係服務嘅優質。原來坐車對好多人嚟講係難得嘅Me Time。報告顯示52%用戶最鍾意Waymo因為「唔使同司機講嘢」。呢個條件不論任何司機，只要係人，都無法達到。你唔可能要求司機完全靜音，但自動車可以。
Alphabet（GOOGL）今年第二季Other Bets部門（包括 Waymo）虧損由去年同期嘅8.13億美元擴大到11.3億美元。過去五年，Other Bets總共只係帶來30億美元收入，但虧損咗200億美元，其中Waymo佔大部分虧損。
雖然，每架Waymo車嘅激光雷達設備已經要10萬美元，加埋其他硬件同改裝，總成本約17.5萬美元。相比之下，普通Uber司機開嘅車平均值只係3萬美元。但係硬件成本只係冰山一角，Waymo仲要承擔地圖製作、24小時監控、維護、保險、泊車等無數隱性成本，先至令Waymo要用較高車費彌補成本。但Waymo亦意外發現一個新市場。
即使Waymo貴，用戶依然願意畀錢。佢哋買嘅唔係交通服務，而係一個私人空間，一個可以完全放鬆、無需社交、唔使面對陌生人嘅環境。呢種體驗係任何人類司機都提供唔到嘅。
自動駕駛會重新定義坐車。當搭車變成完全私人嘅體驗，人們可能會更願意住得遠啲，因為通勤時間變成咗有用嘅個人時間，可以用嚟工作、休息、娛樂。又或者真正遊車河，甚至將架車當網吧租嚟打機。
投資啟示係，Waymo雖然燒錢，但佢哋燒錢嘅過程中發現咗一個重要真相：人們願意為「無人打擾嘅空間」付費。呢一點，日本走得好前，包括拉麵名店一蘭等，呢個理由加價可能會啟發好多其他服務業，從餐廳到酒店到飛機，以至其他行業，賺取客戶嘅Me Time溢價。
Waymo雖然燒錢，但佢哋燒錢嘅過程中發現咗一個重要真相：人們願意為「無人打擾嘅空間」付費。由餐廳到酒店到航空公司，大家都要重新思考客戶真正想要乜嘢。
科技要賺錢，最先進嘅技術，而係最明白人性需要嘅技術。Waymo 用貴價證明咗，有時候人最想要嘅、最寶貴嘅，就係一個靜字。
高明
facebook：https://www.facebook.com/bigricetea
IG：https://www.instagram.com/koming.usstocks/
作者簡介︰賺錢係目標，炒股係手段，專欄記載由手段到目標嘅過程。
本欄逢周六刊出
笑到最後 - 高明 舊文
本文作轉載及備份之用 來源 source: http://hk.finance.yahoo.com
