夾份買樓不如夾份買馬
夾份買樓不如夾份買馬
夾份買樓不如夾份買馬
有老友問我，樓價下跌那麼多，我有沒有俾人鬧？俾人鬧就沒有，不過俾人笑損失慘重，賺錢的不講，只講我蝕到PK。老實說，如果沒有從樓市賺錢，又點會有那麼多錢蝕？不過話分兩頭，我雖然有寫看好樓市的文章，但信不信由你，樓價上升
，信我的人不但不會買一件小禮物給我，甚至連多謝都不會講一聲；樓價下跌，何以要俾人鬧？
老友話我對樓市有心得，希望可以和我夾份買樓，我多謝老友雨中送傘，但我寧願老友叫我夾份買馬，好過夾份買樓，夾份買馬我仍然可以考慮，夾份買樓一定唔會。以前我亦試過與幾個老友夾份買馬，每人一百幾十萬元，本來都無傷大雅，但在銀両不足情況下，所買的馬不是名馬，每一場都做綠葉，久不久才跑入位置，有少少獎金，最後埋單計數，不計投注，每人都輸了百幾萬。不過輸錢有輸錢的好處，以後不會再想做馬主，用那麼多錢還要做綠葉，不太值得，即使如此，仍然比夾份買樓好得多。
夾份買樓當然是沒有問題，不過有買就有賣，當樓價上升，可能會有一些夾份買樓的人話要止賺，亦有一些話樓價繼續向好，不應該賣。最後，如果樓價繼續上升，當日話賣樓的人會話只是提一個意見，不一定要賣，但如果樓價下跌就大件事，當日話賣樓的拍檔一定嘈到不得了。既然知道有如此結局，何以要夾份買樓？所以，曾經夾份買樓的老友最後可能做不到老友，反之夾份買馬的仍然可以友誼永固。
湯文亮專欄 - 湯文亮 舊文
本文作轉載及備份之用 來源 source: http://www.am730.com.hk
