金融High Tea——股市主題
2013年1月30日
美國議息前，港股牛皮待變。恒指升上高位，各類股份個別發展，市場抽水活動增加，令投資者戒心稍為增加，睇嚟大市要等埋結算，先至會再開局。
金融業衰足幾年
近日美國股市走勢不俗，外電引述消息人士透露，「股神」巴菲特旗下的巴郡，去年曾出價收購紐約泛歐證券交易所(NYSE Euronext)，但由於出價低於洲際交易所(Intercontinental Exchange，簡稱ICE)，故未能成功收購，有人把消息理解為股神看好股市前景會轉趨暢旺，故此想收購紐交所。
股神想出手，對大市氣氛有正面作用，美國經濟今年開始浮現樂觀情緒，有說股神旗下的鐵路公司受惠於頁岩氣運輸需求，生意向好。美國好不容易重見景氣，相信表明無意續任的聯邦儲備局主席伯南克，唔會同自己過唔去，搞瓜個市先走，故此儲局開會，應該無大壞，反而要睇係若果外圍轉好，資金會否由亞洲回流。由於等緊開會結果，港股冇乜動作，恒指收市微跌16點至23655點，國企指數跌22點，造12078點，成交756億元。
有市場人士預期，金融業衰咗幾年後，有望否極泰來，出現見底回升，股神想買紐交所，早前港交所收購倫敦金屬交易所，之後發可換股債券同定向配股，都順利去貨，反映資金對金融業回復興趣。
高盛計劃出售價值約10億美元工行H股(1398)。減持完成後，高盛持股數將降至不足30億股。呢次係高盛第五次大規模減持工行股份。高盛打算以每股5.77元出售，以上日收市5.95元計，輕微折讓約3%。高盛五次減持工行，合計91.9億美元。
高盛於2006年在工行首次公開招股(IPO)買入164.76億股。高盛斥資25.8億美元，未計手上的30億股，高盛持有工行約六年，獲利超過兩倍半，都咪話唔和味。
工行受大幅減持消息拖累，股價昨日裂口低開，收市跌2.2%至5.82元，失守10天及20天線。分析員普遍認為，高盛減持工行只屬高位套現，工行基本因素良好，建議低吸作中長線投資。
高盛賺夠沽工行
工行股價昨日下跌，申銀萬國分析員陳鳳珠認為，已反映不利消息，高盛亦未見有進一步減持行動，內地1月新增貸款表現理想，相信可帶動內銀首季業績。依目前來看，工行市盈率7倍左右，仍算便宜，4厘高息亦吸引，建議投資者繼續持有，短期阻力位為6元左右。短炒者可於6元前減持部份。
其他二、三線的內銀股，則睇好民行(1988)，原因係市場資金充裕及企業或加快開工，將有利中小型銀行，民行壞帳未見嚴重，建議回受工行減持消息拖累，內銀股普遍走軟，建行(939)、農行(1288)及招行(3968)齊跌約1%。民行有大行唱好，逆市升2%至11.42元。
新股炒作一輪後，近日有回吐，至於昨天截止孖展認購的鐘錶品牌商時計寶(2033)，傳擬以1.35元的招股價頂端定價，相當於9.3倍的2013年預測市盈率，集資金額8.1億元。
陸羽仁
上一頁 下一頁
金融High Tea 舊文
