中環在線:植物蛋黃醬搞試食會
周凱旋好姊妹讚好味
![](https://googledrive.com/host/0B_nYHg8IFMDHfjdHMVdSeW9UVTNyQUJrYndZeDdzZVBqb3ZfUUJaeEZIUGFpZXZfWW13QXc/dd8_20160408/7419_512341ca94b29c9b7b99c8b7796aa310_08bw05pz.jpg)
■董建華嘅表妹張培薇(中)同長和執行董事陸法蘭(左)到場試食。 梁偉聰攝
![](https://googledrive.com/host/0B_nYHg8IFMDHfjdHMVdSeW9UVTNyQUJrYndZeDdzZVBqb3ZfUUJaeEZIUGFpZXZfWW13QXc/dd8_20160408/6489_969f0b4695e80d7cc931c89e1903d4d3_6271925.gif)
![](https://googledrive.com/host/0B_nYHg8IFMDHfjdHMVdSeW9UVTNyQUJrYndZeDdzZVBqb3ZfUUJaeEZIUGFpZXZfWW13QXc/dd8_20160408/4183_0a66203507492e46f6a891e19eea6f70_08bw06pz.jpg)
超人李嘉誠旗
下維港投資(Horizons Ventures)有份投資嘅植物蛋黃醬品牌Hampton Creek,喺香港都賣咗一年多時間。噚日創辦人Josh Tetrick親身去到金鐘太古廣場一間超市搞試食會,用多款不同口味嘅植物蛋黃醬製作沙律、蛋批、甜品等約廿款食物畀途人試食。
超人嘅紅顏知己周凱旋(Solina)係維港話事人,應該一早試食過所有食物,噚日冇現身。佢嘅好姊妹、前特首董建華嘅表妹張培薇(Debbie)與長和(001)執行董事陸法蘭就專登喺傍晚時分到場試食,仲試足十幾款食品。
Debbie大讚樣樣都好食,特別鍾意用植物班戟漿整嘅蔥油餅。陸法蘭就喜歡蛋批同埋朱古力甜品(睇佢身形都估到佢鍾意食甜品!)。佢哋二人相當捧場,試食咗大半個鐘,離開之前,佢同陸法蘭拎走一大堆唔同味道嘅植物蛋黃醬走,Debbie話會拎返去屋企試整沙律。
傳與本地連鎖食肆合作
現時在港買到嘅Hampton Creek產品只有3隻味道嘅蛋黃醬,喺美國仲有植物曲奇與植物班戟漿。消息人士話,今次試食反應好,唔排除日後會增加在港嘅產品種類,而今年重頭戲就係植物蛋漿,蛋漿可以用嚟炒蛋,甚至焗蛋批,陸法蘭今次大讚嘅蛋批,就係用植物蛋漿做。
今次Hampton Creek團隊來港,主要傾生意,聞說已經有同本地連鎖食肆傾到合作㖭。
其中四款食物食後感:
![](https://googledrive.com/host/0B_nYHg8IFMDHfjdHMVdSeW9UVTNyQUJrYndZeDdzZVBqb3ZfUUJaeEZIUGFpZXZfWW13QXc/dd8_20160408/6558_0a66203507492e46f6a891e19eea6f70_08bw01pz.jpg)
![](https://googledrive.com/host/0B_nYHg8IFMDHfjdHMVdSeW9UVTNyQUJrYndZeDdzZVBqb3ZfUUJaeEZIUGFpZXZfWW13QXc/dd8_20160408/1636_0a66203507492e46f6a891e19eea6f70_08bw02pz.jpg)
![](https://googledrive.com/host/0B_nYHg8IFMDHfjdHMVdSeW9UVTNyQUJrYndZeDdzZVBqb3ZfUUJaeEZIUGFpZXZfWW13QXc/dd8_20160408/4565_0a66203507492e46f6a891e19eea6f70_08bw04pz.jpg)
![](https://googledrive.com/host/0B_nYHg8IFMDHfjdHMVdSeW9UVTNyQUJrYndZeDdzZVBqb3ZfUUJaeEZIUGFpZXZfWW13QXc/dd8_20160408/3233_0a66203507492e46f6a891e19eea6f70_08bw03pz.jpg)
李華華
mailto:LiWaWa@AppleDaily.com
李華華
LiWaWa@AppleDaily.com
中環在線 - 李華華 舊文
來源 source: http://hk.apple.nextmedia.com