魚樂無窮：打壓殼股如自殺
■近期，港交所及證監會高調打擊殼股活動。 資料圖片
港交所（388）及證監會近期高調打擊殼股活動，新近擬收緊創業板上市條款，希望避免港股淪為啤殼工場，令市場更健康雲雲。這理性解釋，相信冇人反對，但如從投資角度出發，便有值得商榷餘地。
自金融海嘯後，恒指一直有
波幅冇升幅，若非去年出現大時代，窄幅上落走勢便更明顯。望一望恒指成份股，有邊隻你買得落手？最可悲的是，你最唔夠膽買的騰訊（700）、或者你覺得最悶唔買的中電（002）、電能（006），就不停創新高，你揸住嘅乜行物行乜險物險？不提也罷！
升得最勁嘅係邊啲？往往就係炒賣殼、炒轉型嘅，倍倍聲升幅可說是最基本要求，你可能會話，呢啲高風險嘢唔啱你，但你買所謂低風險的藍籌股如滙控（005）、銀娛（027）以及多不勝數的中資股，一樣輸到仆直。如今連最有鑊氣嘅殼股都要打壓，未來落注只會更難。
一句到尾，如果市場好股滿瀉，監管當局唔希望一粒老鼠屎搞壞一鍋粥，我心甘命抵，但家陣其實係粥水都冇啖好食。口口聲聲講健康，但連乜病都未知就食藥，同慢性自殺有乜分別呢？
唐牛
http://www.fb.com/tongcow88
本欄逢周二、四刊出
唐牛
魚樂無窮 - 唐牛 舊文
來源 source: http://hk.apple.nextmedia.com
