恆生指數
國企指數
恒 指波幅指數近20日

VIX指數 近5日

上証綜指
深圳成指
滬深300

文章漏咗/建議:按此通知

2020年11月16日 星期一

智取大市 - 晉佳 2020年11月16日

智取大市 - 晉佳 2020年11月15日


智取大市|特朗普新招高章之處(晉佳)


晉佳估計,今次特朗普行政命令,好讓基金公司可以趁機沽出中資弱勢股,套現後相信會加注美股。

特朗普今次行政命令等於使出資本市場大招,根據其行政命令嘅字面解釋,一眾被美國認定屬於解放軍控制企業以至其上市附屬,美國企業同個人都要喺一年內沽出,而兩個月後

開始永遠唔准買入,直至命令解除。

大家可以望嚇受影響嘅港股名單,就知道呢招係對美國投資者嘅大獎賞,而唔係懲罰。

受影響名單包括,三大中資電訊股、中交建(1800)、中鐵建(1186)、中車(1766),呢批係市值較大嘅受影響股份,全部係質素最差嘅中資股。中資電訊股喺國策之下被迫平價向國民提供服務,毫無增長前景可言。

中資交通基建股多年來係利益集團食夾棍嘅溫床,買入長揸等於中咗魘夢血鬼術,股價一睡不起。偏偏呢批股份一直好似老而不咁留喺唔同指數裏面。今次行政命令,好讓基金公司可以趁機沽出呢批喺被動投資被迫買入嘅弱勢股,連同主動投資估計總共套返千幾億出嚟,減持弱勢中資股後,估計會加注美股,或按指數比例買返其他重磅中資股,變相加注阿里(9988)、騰訊(700)、美團(3690)、拼多多之類,你話對美國投資者嚟講,係咪一個好消息?

周五ATMXJ繼續大反彈,或許同呢個侵侵行政命令有一定關係。由於措施對美國資本市場有利,估計事在必行,兼且美國國內冇乜阻力。

即使拜登上場,佢唔會傻到要收回呢個行政命令,真係話想撤回?佢就係鬼,華爾街班大佬級基金公司例如領航、貝萊德肯定同你死過。假如短期內玩大啲,行政命令波及另一個資金黑洞內銀股的話,再幫美資基金公司執靚個倉,美國上市嘅中資股ETF吸引力同吸資力亦會大大加強,同時有利ATMXJ。

-----------------------------
掌握理財智慧 感受生活品味

investMAN全新網頁 優雅登場
-----------------------------
部署退休 輕鬆達至財務自由
點擊即睇《退休理財天書》
-----------------------------
【全球樓行】 Dream House零距離
屬於香港人的移民攻略
-----------------------------
支持蘋果深度報道,深入社區,踢爆權貴,即Like蘋果專題及調查組FB專頁!

智取大市 - 晉佳 舊文