中環在線：郭炳聯處男硬跑 - 李華華
新鴻基地產(016)郭氏兩兄弟涉嫌貪汙案下周五(25號)再提堂，事件有排未完，炳江、炳聯兩兄弟樓照賣，善事繼續做。公益金前日舉行「公益慈善馬拉松」，新地第18年贊助，郭炳聯仲首次落場跑埋一份𠻹。
新地同公益金有好多合作，上月先至合辦ICC跑樓梯比賽，呢個月就贊助馬拉松，兩位郭生今次比較投入，同幾百位新地員工同親友一齊跑，由北潭湧郊野公園出發，完成10公里賽事。
炳江夠耐力
60歲?郭炳江已經跑?幾年，睇佢跑姿同埋裝束都似係有跑開，首次落場跑?郭炳聯似乎就動作生硬?少少。
郭炳江分享賽後感時都話，自己好鍾意跑馬拉松，藉此考驗意志同耐力，「長跑講求耐力……跑至中途會很累，總會有放棄的念頭，但只要一直堅持，定能跑到終點，就像做人一樣。」聽佢咁講，又令人諗起佢?單分分鐘長過馬拉松?官司，唔知佢係咪做定心理準備呢？
郭炳聯好似真係好少做運動，比較行貨咁話，做完運動倍感精神，工作都醒神?，講緊阿媽係女人之類。不過佢都算係有心參與?喇，上月跑ICC樓梯，佢都有示範跑?一層咁大把，郭炳江都係負責頒獎咋。
李華華
mailto:LiWaWa@AppleDaily.com
■話明慈善賽，貴在參與，無論體能如何，最緊要影大合照時精神奕奕就得啦。
上一則: 中央拒延續家電下鄉月底完
下一則: 中環在線：貝沙灣屋睇樓要先捐一千 - 李華華
中環在線 - 李華華 舊文
