魚樂無窮：兩通告一個亮點
■國際精密的機器人業務可成為未來增長亮點。 資料圖片
上回講到，中國寶安兩年內三度向國際精密（929）開價提全購，今次要約終於成為無條件（寶安集團成功增持股份至50.48%，需向其他股東提出全購），究竟中國精密有乜咁吸引？兩份通告一眼睇曬！
第一份，全年業績
通告。公司主要從事製造及銷售應用於硬盤驅動器、液壓設備及汽車零件之精密金屬零件，盈利增長28%，但重點在於機器人業務，除提高生產線自動化外，技術之高已有向外推銷的條件，但因為未有聲望，所以暫無定單。
點樣可以令到國際精密嘅機器人獲得市場信任呢？中國寶安肯定幫到手，無他，集團成立超過30年，歷史悠久，主力從事高科技產業業務、物業投資及生物醫藥，市值超過200億銀，有呢個新主壓場，國際精密升價十倍。
第二份通告乃全購通函，入面假設國際精密每年可售出1,000個機器人，以市價約13萬元人仔計，總計達1.46億銀，相當於總收入逾一成，雖說不算significant，但未來肯定成為增長亮點。國際精密最新市值22億銀，現價2.13元，較全購價高約一成，炒作催化劑就在眼前，博唔博自己計數吧。
唐牛
http://www.fb.com/tongcow88
本欄逢周二、四刊出
唐牛
魚樂無窮 - 唐牛 舊文
來源 source: http://hk.apple.nextmedia.com
