【股場解密】買強勢股輕鬆應對波動市（歐陽風）
2018-7-13 10:14:45
【股場解密】買強勢股輕鬆應對波動市（歐陽風）
港股跟隨中美貿易戰的消息每日大幅波動，要跟足如此波動的市況節奏殊不容易，特別是炒牛熊證，根本無路可捉。反而炒股票唔理市升市跌，有時仲可以避過高風險市
況，好過日日賭大細。
時至今日，一係就炒最弱勢跌得最多果批股票，博一朝反彈之時彈得最多最快，如中鋁（2600）、玖紙（2689）之流，不過要弱股反底，條件係人民幣突然強返哂或者中美突然變成好朋友，呢個機會似乎唔大。一係呢就炒返偏強股份如食品股、內需股，康師傅（322）同華潤啤酒（291）是代表股，今個跌浪幾乎無跌過。
大行報告亦有類似觀點，花旗早前發表報告指，目前中國股市近日表現較原先更具挑戰，主要是中美貿易戰緊張加劇帶來負面溢出影響，雖然中國股市基本因素強，但多個行業估值受壓。
花旗認為，中國企業基本面仍受支持，盈利增長持續，資產負債表健康，由於近期市況發展，花旗調低今年中國股市指數目標12%至21%，反映估值更低，由於宏觀不明朗，中國股市估值受壓。花旗建議增持必需消費品股、保健、互聯網股，對內房股予「中性」評級，給予公用、券商及電訊股減持投資評級。
花旗予買入股份如舜宇光學（2382）、中國生物製藥（1177）、申洲國際（2313）、華潤啤酒（291）、宇華教育（6169）都屬此列。以上股份都在年內高位徘徊，買咗毋須擔驚受怕，可輕鬆應對波動市。
股場解密 - 歐陽風 舊文
來源 source: http://www.winmoney.hk