疫情後 樓市會不會出現父親節
政府久不久做番一單好嘢，就是及時在父親節之前放寛限聚令，令到不少家庭可以共聚天倫，酒樓又可以做到不少生意，為疲弱市道打一支強心針，施永青警告香港人，樓市復甦程度可能比酒樓還要激烈，大家有買就要趁手。
有人話老施賣花讚花香，希望旗下物業代理可以多做生意，所以話樓市復甦
程度比酒樓生意還要勁，今次絕對認同老施睇法，在過去一段時間，從報章上睇到不少劈價賣樓以及低價成交消息，但實質上在過去六個星期，中原指數五升一跌。本來，指數升升跌跌沒有甚麼大不了，但大家唔好忘記，現在樓市只靠香港本土人士支持，在新冠肺炎疫情與社會運動下仍然不跌，這是報復性上升預警。因為香港與內地人流來往還未解封，仍然有這個成績，當兩地回復正常通關，內地購買力湧現，香港樓市難保不會出現一次父親節。筆者並不是叫人買樓，只是話如果有需要，而又遇上一個適合自己樓宇，就不用太猶豫。否則就好似剛過去父親節，如果唔訂位，隨時要5點或者晚上10點才開餐，雖然做父親的多數唔會介意，但點解唔做得好一些。
作者為紀惠集團行政總裁
文章轉載自「AM地產」facebook:
http://bit.ly/2wls4EF
湯文亮專欄 舊文
來源 source: http://www.am730.com.hk