創業起義｜展望未來 港人要「BE COVID-19」（尹思哲）
嚟到2020年尾聲，香港人係呢年，經歷暴政同肺炎雙重打壓，雖然適逢佳節，亦好難有心情去慶祝。
亳無疑問成個2020，香港人都唔好過，不過愈唔好過壓力愈大，反為更要好好生存落去，睇下邊個可以笑到最後。
暴政同肺炎，兩者最
大分別，前者係敵我矛盾，無咩好講，至於後者，其實係有大家可以去虛心學習嘅地方，就等我趁今次，同大家好好講嚇。
千祈唔好會錯意，我唔係叫大家走去中COVID-19，而係叫大家學習一下，呢隻最強病毒嘅生存之道。首先，作為人類又好，作為病毒都好，還原去最基本，兩者歸根究底，都是基因，同為地球生命，並沒有誰比誰高貴。
希望我地香港人，可以放底萬物之靈嘅包袱，學習「後起之秀」COVID-19。人地話曬短時間闖出名堂，可以橫行全地球，玩到啲自命萬物之靈嘅精英科學家團團轉，一定有佢過人之處。
如果大家有讀《自私的基因》呢本書，大概都會知道，任何生命體，無論係動物植物定還是細胞，講穿咗都係「基因嘅殖民地」。
意思即係，自私嘅基因，為咗自我複製同繁𧗠，透過不斷進化，成為細胞以至唔同動植物；同樣道理，香港人若要傳承我哋嘅精神及文化，亦要學習點去不斷進化，而唔係墨守成規。
COVID-19能夠全球擴散開支散葉，出於懂得利用部分人類「愛食野味又不某寂莫」嘅特性。
同樣道理，香港人若要將自身文化價值，他日係全球開支散葉，並且得以保育倖存，同樣需要建基於其他種族嘅特性和需要。
例如英國以至西方各國，疫後也好脫歐後也好，無一不需要資金及金融專業人才，港人好應好好把握時代機遇，切勿留戀於本土，因為我始終相信Hong Kong is a spirit not a place。
當人類科學家研發好疫苗，打算徹底消滅COVID-19，它就來個非洲變種，以全新毒㭑姿態示人，果真是變變變生命力，到最後鹿死誰手都真係未知。
同樣道理，暴政愈想滅絕香港人，大家就愈要懂得「變種」，通過各種不同形態好好存活下來，只要港人的DNA本質不變，不管以何種方式示人，基本上都不是問題。名義上，成為別國的公民，並不防礙大家傳承香港精神文化，要記住，好好活下去至有戰下去的條件。
相比起沙士，COVID-19更能存活於不同物體表面，所以殺傷力也更無與倫比。
同樣道理，港人想要延續向來的影響力，在未來一段長時間，首要任務是生存下來，將自身續航力最大化，變相就是傾向於低慾望、簡約節儉的生活方式。不管是居住於香港，抑或世界任何一個角落都好。
對於矢志移民的港人，COVID-19最大的啟示，莫過於群居比獨行有利。一大群COVID-19病毒，合力傳染的機率，當然比起單打獨鬥來得更高。
同樣道理，移民港人在融入當地的同時，也一定要合理地聯繫其他港人，以群居共生的方式互助，畢竟當大家生活上了軌道，至有條件再作獨活的打算。
對家都在不斷進化，港人今時今日單純「Be Water」已不足夠，想好好生存落去，同暴政鬥長命？我地就要由「Be Water」轉型「Be COVID-19」！
尹思哲
http://linkedin.com/in/wanszezit
-----------------------------
掌握理財智慧 感受生活品味
investMAN全新網頁 優雅登場
-----------------------------
部署退休 輕鬆達至財務自由
點擊即睇《退休理財天書》
-----------------------------
【全球樓行】 Dream House零距離
屬於香港人的移民攻略
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
創業起義 - 尹思哲 舊文
來源 source: http://hk.news.appledaily.com