魚樂無窮｜收市前必做的事（唐牛）
好耐冇見過港股炒風如此熾熱︰日日千幾二千億成交，焦點板塊你追我趕，不少戰友收市後均表示感到疲倦、虛脫，上氣唔接下氣。大時代重臨，贏錢固然開心，但時常警剔自己，升市不要太興奮，最怕太心雄亂咁掃貨，然後一個調整搞到方寸大亂，得不償失。點樣可以令自己保持冷靜
？我習慣每日收市前scan一次持倉，同時假設翌日大跌市來到，你就會知道，邊啲股份可以留低，邊啲股份要out。
力勁（558）隔晚公佈賣地詳情，埋單預計可獲利十多億，但由於涉及時間以數年計，加上累積升幅已多，獲利盤蜂擁而至，有跟本欄操作的戰友，應該獲利甚豐，可以自行操作，我則選擇用零成本方式持貨，務求食盡大浪。另一隻曾推介的教育股中滙（382）配股集資，今日低開後有買盤承接，兼力守配股價，現價較推介時仍有利潤，繼續坐定定。
去年9月曾推介的億和（838），日前公佈全年虧損收窄至1,500萬至2,200萬元，單計下半年最多賺5100萬元，假盈警真盈喜也，亦印證了當日推介時的原因︰大股東密密掃貨有原因。幾個月前嘅事，無謂認叻，我也一早被悶走，但今日在高位突然閃跌，即刻買番啲傍身，好彩埋單倒升收場，算是報番仇了。
唐牛
fb︰www.fb.com/tongcow88
YouTube︰https://studio.youtube.com/channel/UCLwEpfQ6w1d-MUVlAS86QcQ
-----------------------------
掌握理財智慧 感受生活品味
investMAN全新網頁 優雅登場
-----------------------------
部署退休 輕鬆達至財務自由
點擊即睇《退休理財天書》
-----------------------------
【全球樓行】 Dream House零距離
屬於香港人的移民攻略
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
魚樂無窮 - 唐牛 舊文
來源 source: http://hk.news.appledaily.com