士佳說 - 張士佳 2021年5月6日
【#士佳說 】張士佳：至愛板塊，四升一跌
【#士佳說 】張士佳：至愛板塊，四升一跌
美國財長耶倫澄清建議加息的言論，歐美股市周三普遍反彈，其中道指創即市新高，納指在多隻科技龍頭股偏軟拖累下，收市反覆回吐。港股昨天低開近130點後，初段曾掉頭彈升120點，下午再度向下，走勢仍然於低位反覆。綜合而言，雖然有澄清，不過擔憂仍在，亦令本港的科技指數大跌2.1%，整體不離反覆，只係波幅比先前大。今日北水重臨，投資者期待可令走弱的港股重拾升勢，但北水並非只是一味買貨，頂多只是令港股添點生氣。
大市，雖然冇乜生氣，但我們揀嘅板塊同股就上晒黎，上個禮拜我做節目叫大家唔好淨係聚焦科技股，主持阿Car問我ATMX邊隻好，我就話無隻好，結果上星期至今，ATMX均有不同跌幅，反而我推介咗四個版塊。海運，週期大宗商品有色金屬，醫美，疫苗及醫療器材。除疫苗稍有回吐外，其他都爆升。
現跟進一下，醫美股，首當其中係#2135/#2196/#1696，我食咗八成，雖然長遠繼續睇好，但真係升得太多，博有其他更好選擇，走下位會入返。
大宗商品類持續發力，#1378中國宏橋創了歷史新高、#2600中國鋁業也創出近期高點，在碳中和能耗控制政策下，鋁行業供應緊張，導致LME鋁電解鋁的上行空間，預計這一輪鋁價將突破20000元/噸；與此同時，銅價有望達到12000美元/噸，又帶來銅鋁板塊投資機會。離不開是龍頭#358江西銅、#1208五礦資源，#323馬鋼，＃347鞍銅。不過飛撲入商品市場同時要注意不知不覺的重倉持有同時也加大了持倉組合的風險。需要慎防高價位需求及國策調控隨時出台，所以，我選擇食些，好似#323我就食曬，然後攞部份資金嚟投入一啲細價又大波幅嘅類似股份，又可以套利，但又唔會甩咗呢個板塊。
市場進攻最激烈的依然是海運板塊，除了#1919中遠海控強到不可思議，手上仲有＃2343太平洋航運及#2866中遠海發，＃1308海豐及#1199中遠海運等，而質素差一點的#716勝獅貨櫃，如陽燭突破，隨時候命接力，當然呢隻只能小炒。
醫療器材，我持貨較重啲#853升勢好好，#1302就尋日止賺，又係攞其中少少錢出嚟買啲不見經傳嘅醫療器材，搏啲資金愛屋及烏，五個推介板塊，祇有疫苗醫藥股捱沽，但係我唔理了，坐住先。
尋日整體嚟講，係套利為主，反而套出資金，去買些細價嘅娛樂版塊，香港酒店，加密貨幣相關，博佢哋同大市唔相關，自己闖出一片天。
士佳說 - 張士佳 舊文
來源 source: http://skycheung.weebly.com