湯文亮專欄 - 湯文亮 2021年7月1日
豪宅旺，香港唔會差
有老友多謝我發表對樓市睇法，令到他在幾個月前下定決心買了一間豪宅，現在相信已經升值不少，我話千祈唔好多謝我，買到心頭好是他的福分，雖然有很多人話我唔識樓市，報章訪問幾十個人講樓市都冇我份，真係叻極有限，這點我亦同意。不過，我只是發表對香港樓市意見，唔鍾意的人今次可能損失慘重。
如果用樓市來預測香港未來經濟形勢，首選是豪宅，豪宅旺，香港不會差，我們有百多間豪宅，從社運到新冠肺炎疫情，空置率非常低，租金不但沒有下跌，甚至有輕微升幅。由此可見，香港樓市雖然調整，但未傷及根基，待疫情過後，香港解封，經濟回復正常，樓市應該會繼續上升。本來要等到解封之後，香港樓市才會上升，但現在香港人的觸覺非常敏銳，對於那些整天話移民潮會令樓價下跌的說話視為騷擾，沒有影響他們對香港樓市信心，所以，要預測香港前景，首先要睇豪宅，豪宅旺，香港唔會差。
作者為紀惠集團行政總裁
文章轉載自「AM地產」facebook:
http://bit.ly/2wls4EF
湯文亮專欄 - 湯文亮 舊文
本文作轉載及備份之用 來源 source: http://www.am730.com.hk