Tesla一出業績，網上世界包括社交媒體大量分析業績post，彷彿全民Tesla股東。
Tesla(TSLA)星期五收報262.9美元，年初至今升1.12倍，已經係講緊績後大跌9.7%後嘅股價。
下載Yahoo財經APP
美股外幣即時報價 多國新聞任睇
Tesla市值每月轉手一次
網絡
世界對於睇好睇淡辯論非常激烈，互相稱呼對方為廢好廢淡。依照上述數字，其實買入Tesla，無需要整色整水，簡單正股做廢好就夠。
Tesla一出業績，網上世界包括社交媒體大量分析業績post，彷彿全民Tesla股東。
絕望嘅真相係：成交數字顯示，Tesla嘅整個市值每20至30日就會轉手一次，即每月一次，而相同數字蘋果(AAPL)每年轉一次。換句話說，Tesla股東嘅平均持有期約為25個交易日，即係坐一個月就掟。
當然， CEO馬斯克唔同意呢個講法，因為上述數字係計及馬斯克，以及其他長期持有股東嘅次貨時間，更絕望真相係絕大部份人持有Tesla時間更短。
食曬今年升浪要三樣東西
當然，不排除有絕世高手，每個升跌幅都賺盡，當中亦包括人工智能盤，入佢中路。但係作為局外人（ Outsider ），真係「葉師傅唔係咁容易」。兩粒數字就證明：第二季績後跌幅9.7%。第一季同樣係減價導致毛利跌，股價績後跌幅係一樣係9.7%。你話冇莊家操控，你信唔信？如果有莊家操控，就算係絕世高手、人工智能，其實都只能縮埋一二邊，情況就好似現時嘅港股咁樣。
唔同嘅係， Tesla長期趨勢係上升，只需要三樣物品就足以賺取到Tesla今年度嘅升幅：資金、股票戶口、撲暈自己嘅一碌棍。
睇數字原來自己係長期持股嘅少數人，但願本來用嚟撲暈自己嗰碌棍，有朝一日可以傳到CEO馬斯克手中，等佢同朱克伯格隻揪時可以用。馬斯克有咩損傷令佢未能履行職務嘅話，嗰個跌幅先至災難性。
高明
IG
作者簡介︰賺錢係目標，炒股係手段，專欄記載由手段到目標嘅過程。
本欄逢周六刊出
笑到最後 - 高明 舊文
本文作轉載及備份之用 來源 source: http://hk.finance.yahoo.com