港股救唔救得返，呢個話題太情緒化，不論講估值定技術分析，都可以自圓其說。
港股會反彈嗎？其實係一個呃like嘅偽命題，因為港股只要跌得夠，一定會出現反彈，試下單日跌兩千點，隨後一個禮拜內必定會有過千點嘅反彈，呢點係肯定嘅。
美股外幣即時報價 多國新聞任睇
今日篇文主要重點係：港股會唔會
有返正常升浪，等月供港股嘅人唔使再供死會。事實上，香港投資不外乎股同樓。樓市關乎個人整體財政，亦係一般講法可否達至財務自由「財自」嘅主要工具。股市則係夜市嘅財富來源，炒股發達變5至6層樓嘅人唔係冇，但講一般性，香港炒股嘅回報比唔上香港樓市，因為槓桿較買樓細，如果賺錢，亦變成香港人買奢侈品、非必需品嘅財富來源，亦提供資金畀真正夜市——即係馬照跑、舞照跳嗰啲娛樂，而唔係夜麻麻食燒賣嗰啲濕碎錢。
港股救唔救得返，呢個話題太情緒化，不論講估值定技術分析，都可以自圓其說。要解釋現在，不如走入歷史，搵出當中軌跡。
港人鄉下日本，80年代係國際金融中心，1989年，東京股票交易所總市值達到約4萬億美元，而當時紐約股票交易所總市值為2.8萬億美元。另一股市指標係上市，東京IPO超越紐約，尤其係1980年代末。
不過，1990年初，日本經濟泡沫開始破裂，導致股價及房地產價格大幅下跌。泡沫爆破後十年內，日本股市下跌超過70%。外資投資者開始減少對日本投資，尋找其他機會。直至畢菲特2020年入市，終於有真正有意義嘅外資重返日股。
生命力夠強 上三萬點唔難
另一例子係阿根廷，自從1853年憲法宣布之後，阿根廷經歷強勁經濟增長同現代化，令佢喺1913年為全球十大最富有國家之一，1914年前阿根廷連續43年經濟增長超過6%，阿根廷係當時世界糧倉，阿根廷人均GDP的水平超過意德法，歐洲人要搵機會就會去阿根廷工作。情況一如其他大國崛起時嘅高增長。
美國大蕭條令阿根廷股市受挫，兩次大戰各國鎖國，影響農產品出口，阿根廷係經濟史上少數由已發展國家降班成發展中國家嘅例子。近期阿根廷指數MERVAL雖然升上歷史高位，但係過去廿年年均通脹率超過100%，你係外資都唔會亂嚟，睇嚇波就得，身家唔會瞓落去。
大家可能會問，咁有冇股票可以死而復生？根據現況，只係得美股可以，大蕭條後經常死去活來，洗一次牌好快重生，甚至盛極一時嘅銀行股，喺美股市場已變成閒角，內部新陳代㓔強勁。
所以，如果港股同美股一樣，有咁強大生命力，重上三萬點唔難；退一萬步變阿根廷，利用貨幣政策推高股價，股市一樣上歷史高位，港幣一樣可以咁做，從正能量角度睇，港股長遠點睇都係升。
高明
facebook：https://www.facebook.com/bigricetea
IG：https://www.instagram.com/koming.usstocks/
作者簡介︰賺錢係目標，炒股係手段，專欄記載由手段到目標嘅過程。
本欄逢周六刊出
笑到最後 - 高明 舊文
本文作轉載及備份之用 來源 source: http://hk.finance.yahoo.com