過去一年港股對年輕人最友善，其他美股、台股、日股分別創唔同年期嘅新高，只得港股為香港年輕人不遺餘力咁下跌。 (Vincent Isore/IP3 via Getty Images)
上星期本欄嚴正指出，港股積弱係因為冇立資產增值稅，有傳媒引述財政司司長陳茂波指短期內不具備條件開徵資產增
值稅，港股應聲跌穿16000點，倘若又拖多一年，出年恒指恐怕會更低，當然，樂觀睇，低亦有好處，等年輕人上埋車先立法開車，亦都係德政。
下載Yahoo財經APP
美股外幣即時報價 多國新聞任睇
港股對年輕人最友善
事實上，過去一年港股對年輕人最友善，其他美股、台股、日股分別創唔同年期嘅新高，只得港股為香港年輕人不遺餘力咁下跌，港樓亦向相同方向進發，用樓價下跌嚟解決年輕人上車難嘅困局。
如果覺得近期跌勢好嚴重，除咗「只係因為你悲觀」呢句萬能Key之外，實際就係你可能太短視，信念唔夠強。 (primeimages via Getty Images)
再深一層去睇港股，如果覺得近期跌勢好嚴重，除咗「只係因為你悲觀」呢句萬能Key之外，實際就係你可能太短視，信念唔夠強，如果你由2008年年頭開始月供，依家可能仲贏緊，情況有啲似港樓劈價賣，但仍然暴賺幾倍一樣，因為買得早。
08年起月供 盈富輸16%標指贏近倍
以下一個Backtest事後測試，由2008年年頭，每月嘅第一個交易日開始，月供4隻較受歡迎嘅月供股：盈富基金（2800.HK）、A50安碩ETF（2823.HK）、騰訊（0700.HK）、領展（0823.HK），結果唔係咁一面倒輸錢。
盈富追蹤恒指，都唔使問，係四隻之中最廢，由2008年年頭開始供，每次買入一手，經調整價格計算，至今跌16.31%，以月供總額176.67萬港元計，蝕緊28.8萬港元，只係冇咗半份首期。
另一當年當紅ETF安碩A50 ETF ，同一方法月供蝕13.86%。不過正常應該中途跳咗船，因為港股直通車後開始唔興A50。
重點係，月供騰訊，經調整均價208.24港元，相對現價274.6港元仲贏緊31.87%；而領展月供均價36.33港元，相對現水平亦賺緊11.07%。
所以，只要你夠早買入，港股同港樓都有機會賺緊錢，識買港股未必輸，只需要夠早買騰訊就可以。
不過，如果唔識咁點算，同樣尺度放諸美股，當最冇腦買標普ETF（VOO），同樣2008年年頭開始月供，至今升超過96%，過去表現已經投射緊將來，所以想玩股票一定係買港股，想贏錢就買美股。
高明
IG
作者簡介︰賺錢係目標，炒股係手段，專欄記載由手段到目標嘅過程。
本欄逢周六刊出
笑到最後 - 高明 舊文
本文作轉載及備份之用 來源 source: http://hk.finance.yahoo.com