有報告一早講過，TikTok對用戶觸及率較為慷慨。 (picture alliance via Getty Images)
美國眾議院通過「TikTok禁令」，總統拜登已經講明會簽，現時等參議院表決，法案將逼令母公司字節跳動停止美國業務或出售。已經有美國買家表明有意收購。
美股外幣即時
報價 多國新聞任睇
美國政界逆水行舟
2020年特朗普年代亦曾經試過要求TikTok強制剝離，後來美國法院阻止，之後又聽證會又民意戰，事到如今TikTok美國用戶人數已經升至1.7億名，面對人數眾多嘅年輕選民兼用戶，美國政界反而係逆水行舟。
所謂我討厭政治。撇除政治，TikTok錄製影片一般長度係15秒或30秒，上載就係3分鐘。其實係打破咗思考限制，因為最初第一代網上影片分享網站YouTube，2005年前時上載都只係10分鐘，就算Google（GOOGL，現母公司Alphabet）2006年買入後，都只係喺2010年7月加到15分鐘。
事到如今TikTok美國用戶人數已經升至1.7億名，面對人數眾多嘅年輕選民兼用戶，美國政界反而係逆水行舟。 (Icon Sportswire via Getty Images)
值得一題，當年YouTube短時間取得成功，已經成為當年嘅科技龍頭Google，自己都有Google Video，上載時間更加係無限咁滯，高明記得當時仲有啲Lecture喺Google度先睇到，就算收購咗YouTube，兩者都平衡存在，到2012年，資料顯示終於YouTube反吞併Google Video。
一味靠短 破壞性創造
事實證明，呢啲同表演藝術有少少關係嘅平台，唔係淨係財雄勢大就做到；二、網上平台一開始用短取勝係正常，後尾有Google照住無限資金先可以將YouTube變成所有電視台，我哋日常接觸最多中英文甚至日韓文內容，如果試嚇打幾隻印度文搜尋，其實又係另一個世界，YouTube嘅世界好闊。
廣告
一般覺得TikTok短係取勝原因，有報告一早講過，TikTok對用戶觸及率較為慷慨，正常謀利社交媒體要靠壓低觸及率，逼內容提供者畀錢推Post，TikTok則較易流傳，並非其他年輕啲嘅平台如IG可以比較。
隨住時間推進，YouTube、Facebook及IG（母公司META）當然變老人台，連Netflix（NFLX）、迪士尼（DIS）就算啲半個鐘電視劇都會變得太長。 (REUTERS / Reuters)
短片得十幾秒當然係佢成功嘅主因，唔止係現在搶市場，未來其他所有內容，喺TikTok面前都會變得無意義，因為年輕一代已經習慣睇一啲只有十零秒嘅內容，一路碌睇幾個鐘好開心，一套正常電影，就算係Marvel喺列，淨係開頭都幾分鐘影嚇天影嚇地影嚇背景，之後先有對白，隨住時間推進，YouTube、Facebook及IG（母公司META）當然變老人台，連Netflix（NFLX）、迪士尼（DIS）就算啲半個鐘電視劇都會變得太長。
所以TikTok並唔係以上平台或內容供應者嘅競爭者，而係一次破壞性創造，將下一代集中力壓到幾十秒以下，任何超過一分鐘嘅內容，最終會大量流失觀眾變成小眾玩意。
無論係點禁止定出售，都阻止唔到下一代集中力低於1分鐘嘅現實，樂觀睇下一代習慣用秒去計算耐性，大個畀嘢佢做如果都可以秒速回應，其實又唔係一件壞事。
高明
IG
作者簡介︰賺錢係目標，炒股係手段，專欄記載由手段到目標嘅過程。
本欄逢周六刊出
笑到最後 - 高明 舊文
本文作轉載及備份之用 來源 source: http://hk.finance.yahoo.com