近期有明星離婚身份，引發結婚買樓應唔應該聯名。 (Visual China Group via Getty Images)
上星期寫「恒指五萬點」一文，本欄從樂觀角度支持港股，喺Yahoo財經fb專頁引起一啲討論。事實上，再上一星期本欄嚴正指出：「東升西升 此刻無價」，除Bitcoin
稍弱外，過去一個月全球股市表現不錯，始終造淡有成本，不可以長淡過世，長升先係全球廣大股民嘅核心價值。
美股外幣即時報價 多國新聞任睇
結婚被美化成浪漫故事
至於近期話題，因為有明星離婚身份，引發結婚買樓應唔應該聯名。呢個其實係偽命題，要解答呢個問題，應該從結婚嘅意義講起。
受商人推動，將結婚美化成愛情嘅浪漫故事。然而，不方便嘅現實係，想要愛情，拍拖談戀愛已經可以達到；想生仔，甚至唔需要拍拖；至於浪漫，主要用錢堆砌出嚟。
社交媒體女性競逐受到寵愛嘅程度，2024年畀唔起錢已好難有浪漫：鋪報紙蒸魚碟食飯，就算諗住食完飯拎阿婆留落隻銅戒指求婚，相信報紙鋪枱一刻女方已經有事走先。
提防開聯名戶口要求
婚姻嘅行為起源可以追溯到史前時代，係一種人類社會中普遍存在嘅制度。早期人類社會中，結婚可能更多地與生存策略、社會結構和財產權利的傳遞有關。一些古文明，例如古埃及和古巴比倫，結婚被視為法律和宗教上的正式承諾，並有相應儀式同法律文書記錄。
結婚嘅初心，就係財產分配，另外亦有生命危急關頭代簽名嘅功能，即係代理人嘅職能。結婚本意就係聯名，包括財富、生命，由簽紙一刻已經聯名。
一旦結婚，兩者財富已經撈勻，雖然日後若離婚未必五十五十咁分，但肯定會分身家。
香港真係一塊福地，好多衣著唔光鮮嘅人，閒閒哋老來千萬身家，可能某日突然想畀幾百萬蚊請人煲湯自己飲。 (ViewStock via Getty Images)
不過，即使冇結婚，另一個分身家渠道，叫聯名戶口。香港真係一塊福地，好多衣著唔光鮮嘅人，閒閒哋老來千萬身家，可能某日突然想畀幾百萬蚊請人煲湯自己飲。血汗錢自己賺，點使唔關外人事，偏偏錢擺係聯名口度畀人提走咗。
所以，有人突然同你講：想同你結婚，其實同你想開聯名戶口一樣，都係分配財產嘅行為，同愛情浪漫完全無關。如果唔想同人分，兩樣都唔好做。
高明
IG
作者簡介︰賺錢係目標，炒股係手段，專欄記載由手段到目標嘅過程。
本欄逢周六刊出
笑到最後 - 高明 舊文
本文作轉載及備份之用 來源 source: http://hk.finance.yahoo.com