日央行宣布年內第二次加息，將政策利率從0至0.1厘上調至0.25厘。 (violet-blue via Getty Images)
美股近期出現大跌，業績期神奇七股輪流大跌。美股回調甚至股災其實好常見，回調一個月幾次，小股災一年一兩次，大股災隔年一次，見慣其實冇乜嘢值得驚青。
美股外幣即
時報價 多國新聞任睇
日本成為低價優質服務地方
反而日圓加息，令人更加警覺。2023年1月之後，日圓兌港元低過6算，同期美元利率高企5厘以上，自此，持有美元資產包括港元成為強勢貨幣，返鄉下等同半價，美國傳媒亦吹奏日本旅行嘅大幅折讓同高享受度，根據城市生活成本比較網站Numbeo，東京的餐廳較香港平25.3%，如果計及食物質責同服務水平，更加唔知點比，去過就會明。
股票最大嘅陷阱，係倍數效應。例如，你將100萬港元價值投入標普ETF（VOO），過去50年每年平均回報為11.47%，一年後就係111.47萬港元，10年後就係296.2萬港元。因為有條數咁計，好多人投入市場後消費模式就會轉變，每分每毫都投入去佢認為會升嘅資產上。
高投資高回報，有咩壞處？壞處係跌時就會諗埋一邊，強如標普，50年往績年均升11%，2022年跌兩成，呢兩成下跌喺你十年投資期入面，每一年都係大鑊：如果係頭一年，就會懷疑人生，點解人哋50年成日升，你一買就跌；如果係投資後期，本金大咗，跌兩成茲事體大，過一球嘅投資少兩成可能冇咗架車，慳飲慳食令到你每日都反思點解要慳？
日本圓滙半價，日本成為低價買全球最高服務水平嘅地方，日本觀光局統計顯示，香港訪日旅客每晚人均開支達43,191日圓（2,243港元），高於其他所有旅客。日本電通公司最新調查結果顯示，日本被評為全球「想再去旅遊的國家」第一名。
日本圓滙半價，日本成為低價買全球最高服務水平嘅地方。 (Chiara Salvadori via Getty Images)
日圓轉強 半價消費恐水尾
日央行宣布年內第二次加息，將政策利率從0至0.1厘上調至0.25厘，加息0.15厘，同時宣布縮減債券購買規模。高明憂慮，將會係日本漫長加息周期嘅開端；美國勞工部周五公布數據顯示，7 月非農就業新增 11.4 萬人，遠低市場預期 17.6 萬人。利率期貨顯示，9月減息至4.75厘至5厘，直接減0.5厘嘅機會上升到68.5%，我恐懼，美元日圓將漸漸強弱互換，半價消費已經到水尾。
廣告
自古以來好多人會投訴有錢人發達後孤寒係守財奴，偏偏一個普通人投入股票市場，好容易變成守財奴，每分每毫都要博盡，成為自己最唔鍾意嘅人。加上投資股票好易將值唔值嘅眼光帶返現實世界，嚿幾水光速餐仲要畀侍應話「賴死唔走」，寧願兩餸搞掂，本來日本係一幾平嘅窗口去打破守財奴循環，享受咗好過輸咗，日圓轉強，成個投資體系又會再起變化。
高明
IG
作者簡介︰賺錢係目標，炒股係手段，專欄記載由手段到目標嘅過程。
本欄逢周六刊出
笑到最後 - 高明 舊文
本文作轉載及備份之用 來源 source: http://hk.finance.yahoo.com