依家quit港股，唔代表他日唔回流。 (Wong Yu Liang via Getty Images)
恒指無限輪迴重上17240點，唔計內涵，暫時低過納指嘅點數17569點。
美股外幣即時報價 多國新聞任睇
比較點數冇用
若幹年前，報紙財經版係將恆指同道瓊斯指數比較，近年美股道指代表
性已經大不如前，升幅其實都好一般，慢流尾袋最新報41096點，一個恒指永遠都無法觸及嘅數字。
當然，大家都知道，比較點數冇用，因為基數唔同，比較升幅就有用。道指今年升9%，標普及納指今年升17%；恒指今年升1%。美股標普無腦ETF VOO，已經坐賺17%。
美股巨無霸也倍升
可能會有啲醒目仔走出嚟話指數冇用。呢種言論其實有兩種解讀：美股嘅指數無用論，係科技巨企神奇七股已經佔納指大部份升幅，買指數納相加入好多負累。至於港股，精仔意思係炒細價股，不過，北水借殼上市潮完結，派對完咗，對升幅，大家都係十倍股，美股係升Nvidia（NVDA），比起買落不知名唔知做乜生意嘅細價股，既然美股巨無霸可以提供十倍升幅，何必要買不知名股。
計質素，港股2017年後，股票概念一度有資格挑戰美股，仲有獨有嘅中國概念。直到高潮一點，係螞蟻金服上市，可惜最後上唔到，見證派對完結一刻。
文遠知行（WRD）原計劃8月16號喺納斯達克上市，雖然兩度延期，但係從來冇傳出會轉嚟香港上市。 (VCG via Getty Images)
至於之後點結束法，太遠再講又畀人話廢老，近近哋中國最偉大新科技自動駕駛的士，其中一間文遠知行（WRD）向美國證監會遞交文件，原計劃8月16號喺納斯達克上市，雖然兩度延期，但係從來冇傳出會轉嚟香港上市，就知呢啲公司嘅真實取態。
香港真係一塊福地，依家quit港股，唔代表他日唔回流，只要華為喺香港上市，兼其他新概念全數來港上市，以後好好加油，有機會贏的。
高明
IG
作者簡介︰賺錢係目標，炒股係手段，專欄記載由手段到目標嘅過程。
本欄逢周六刊出
笑到最後 - 高明 舊文
本文作轉載及備份之用 來源 source: http://hk.finance.yahoo.com