唐牛：嘉利績優兼高息
■嘉利國際主席何焯輝。 資料圖片
上季推介泓富（808），連同收息回報逾一成，心足了，今季變數更多，繼續向高息績優股埋手，務求財息兼收。
嘉利國際（1050）最新公佈業績，盈利按年增長53%至1.2億元，末期息勁增53%至2.75仙，全年計派息3.5仙，派息比率六成
。現價計市盈率（PE）不足10倍，股息率逾6厘，市賬率（PB）僅1.1倍，齋聽呢三個數字，已經流曬口水。
集團主打業務為五金塑膠及電子專業代工業務，又以伺服器外殼業務最強，全球首四間伺服器供應商，有三個都係嘉利嘅客仔，夠曬江湖地位。自動化生產已進入成熟階段，除大大降低人工成本外，未來炒工業4.0概念，肯定有佢份。餐飲業仍在整固中，但虧損未見擴大，扭虧為盈開始見曙光。
最大潛力在於房地產業務，旗下鳳崗廠房已改作住宅用途，預計2017年動工，樓面面積達12萬平方米，以當地最新每平方米樓價2萬蚊人仔計，整個項目總值近30億元，相當於市值3倍！可以肯定，未來數年乃嘉利豐收期，現時唔買等幾時？
魚樂無窮 - 唐牛 舊文
來源 source: http://hk.apple.nextmedia.com