【不問價追】買樓好過買股？（小炒王梁心欣）（第90期）
2016-9-18 18:00:06
近期經常諗起一個詞彙「資產荒」，簡單講，即係冇固定資產嘅人士，都走去買固定資產，（樓係其中一種），直情係「恐慌性買入」，市場人士因為太驚將來資產只升不跌，一窩蜂進場。咁到底係
咪買樓好過買股？長遠一定有得賺？
香港股神四叔經常將「買股好過買樓」這句話掛在嘴邊，連員工都怪他「倒自己公司米」。不過這兩年來，事實證明老人家沒有看錯市。
談到買樓，香港人個個「冇殼蝸牛」，恨上車恨到發燒。媽媽教導，買磚頭可以保值，長遠對生活有保障。不過，小炒王非常之相信「循環論」，一窩蜂跟買，資產價格向上，但到頭來極有可能見頂回落。但樓市嘅周期比股市長，用幾年來量度確實不可靠，應該以十年以上計算。
小炒王亦曾經想過要上車做業主。當時是2010年，政府首次推出樓市辣招之後，小炒王專誠找有線做《樓盤傳真》的同事一起「睇樓」，很快就找到了心儀的單位。由於一向住新界，看中的單位也是新界藍籌屋苑沙田第一城，勝在夠穩固，而且「細細粒容易食」，打算買入後放租予大學生。當時，梁心欣只是入行數年，積蓄剛儲夠首期、裝修費、律師費和釐印費等，回家與家人商量時，出奇地媽媽極力反對，一來我手頭現金緊絀，二來媽媽多年前收租時曾經遇上租霸，所以對放租十分抗拒。她甚至出動剪報、電視錄影給我看，希望我打消置業收租的念頭。當然，置業計劃從此無限期擱置。
最近無意一看，發現當年心儀的單位已在3數年間升值逾一倍。有時跟媽媽重提舊事，也會說笑地埋怨媽媽，指若她當初沒有阻止我，今時今日小炒王早已「發過豬頭」。但其實，小炒王一點也沒有後悔自己當年的決定。最主要是因為當年自己現金確實緊張，而且沒打算向家人借錢，買了「磚頭」的話，生活必然入不敷支，若然遇到租霸，更加得不償失。
當然，小炒王始終希望將來可以成功上車，所以我一直有「睇樓」。小炒王不是樓神，不知道將來樓價如何，但小炒王深信所有事情皆有週期循環，股市經濟如是，樓市亦如是，一切都有循環，始終會見頂回落，見底回升。我並非預測樓市未來趨勢，始終對於樓市認識不深，豈敢班門弄斧。但我一直在等上車機會，同時提醒自己，每當樓價有5%至10%跌幅時，就一定會有不少具購買力的人士爭相入市，待樓價平穩後又會再有人進場。直至購買力完全消耗，才是我真正入市的好時機。
所以，我現時的心態是「放長線釣大魚」，先儲夠彈藥，待價錢回落至合理水平才進場。不過，炒樓又好，炒股又好，無論市場人士如何唱好，各位戰友都要心裡先打折扣，千萬不要被市場氣氛蒙騙雙眼，因為買樓係人生嘅重大決定，一定要睇清楚先至好落注，免得後悔。
不問價追 - 小炒王梁心欣 舊文
來源 source: http://www.winmoney.hk