笑到最後 - 高明 2018年12月18日
金手指 ：反駁高明冧樓論 - 孫柏文
只要林鄭唔腳痛下台，做足五年，政府一定喺林鄭任內推救市措施。
資料圖片 適中字型 較大字型
噚日，孫柏文睇咗高明專欄「笑到最後」，題為「龜速的樓災」嘅文。睇完，我覺得敗露咗高明年紀輕的現實。
點解？佢話如果樓價只要係慢跌，「除咗日日睇樓價嘅人之外，其他人唔會點覺得有咩問題。」憑佢呢句，我可以好肯定1998至2003嗰五年，高明未懂事。因為97年雖然急跌，由98年開始嘅跌浪，真係慢跌，不過最終都變成50萬人上街嘅燃料。
佢用今年股市做比喻。話「今年恒指從高位下跌最多8,944點，不僅是牛市轉熊市，以跌幅而言肯定係股災級，但為何除睇報價機外，坊間完全感受唔到股災發生？」原因係之前大把嘢冇升過。而今鑊跌幅，最主要係騰訊（700）跌咗最多差不多一半。你冇揸騰訊，當然feel唔到。
我記得做財演初期，2007年初，有次同曾淵滄博士做講座。佢話樓市呢樣嘢一旦勢成，就會跑好多年。佢當時近乎求啲觀眾快啲買樓，唔知有幾多人聽佢講。
不過樓市似轉咗勢，特首林鄭月娥叫幻想政府會因樓價下跌出招救市，「可以慳啲啦baby」。講真，只要林鄭唔腳痛下台，做足五年，除非美帝又玩量化寬鬆，否則政府一定喺林鄭任內推救市措施。
期待到時啲人攞佢今日段嘢，玩回帶囉。
孫柏文
獨立股評人
http://fb.com/shuen
本欄逢周二刊出
笑到最後 - 高明 舊文
來源 source: http://hk.finance.appledaily.com