士佳說 - 張士佳 2020年11月3日
【#士佳說 】張士佳：杯弓蛇影的日子
【#士佳說 】張士佳：杯弓蛇影的日子
港股昨日跟住美股有點反彈，主要撐市的有內銀，普遍交出黎的成績表，唔太差，先前講過招行#3968陽破頂44.05會買，但呢隻股高位都好反覆，一係唔買，買就要預坐，建行#939都愈來愈有睇頭，等做多d好燭會諗，始終今日多事之秋，衰燭會當走鬼，好燭會當托市出貨，過完這幾天睇，無咁杯弓蛇影。
明源云#909又升一成，此股我一直持有，只是注碼唔多，畢業業務獨特，市值又大，昨日加了注。
有些玻璃股升到癲，我同大家暗示過既#1108洛玻，一日升兩成幾，近日我揸既股隻不算多，當中有隻升兩成幾，比入市價升四成，開心，食半坐半，汽車股都發曬癲，吉利#175爆上黎，我無買#175，買唔到咁多，車股我只有三隻，你估係邊3隻呢？
有同學問買番比亞迪#1211未，我話明係今期股王，點敢怠慢，一穿頂164無得諗，追！氫氣車一直有，但升太多，食下，有等於無，再陽穿13.48，會再黎過，另一隻反而係唔知咩新聞的廣汽，亦無咩圖表四變信號，純因型態來入，無咁有conviction。
車的生意，4S都唔會差太多，又係唔想太重貨，所以高位食了中升#881，美東#1268，至於永達#3669無咁高，回一回再升，先至諗。
螞蟻暗盤升50％，又話遭約談，我自己對馬老師上市的股只遠觀，玩票性質，高沽低揸可以，50％吸引，但你有幾多，是我的是我的，不是我的就不是我的，情願繼續玩美團#3690，美團聯名信用卡加上11月13日宣布入恒指，又無咁受美國影響，都有值博率，上次272加注牛，同而家正股有9%，繼續坐加坐加。
今個星期，唔洗諗都係睇實侵侵同拜燈之戰，但由於有郵寄選票的原因，今次無咁快有結果，一般黎講，要等到美國11月4日先有結果，即我們要到後日，所以不得不佩服螞蟻上市的安排。
士佳說 - 張士佳 舊文
來源 source: http://skycheung.weebly.com