士佳說 - 張士佳 2021年1月27日
【#士佳說 】張士佳：波動重策略
【#士佳說 】張士佳：波動重策略
上星期五升穿30143，指數call一日賺過倍，晚上上精進課的朋友笑逐顏開，此時此刻，我同佢地講黎緊一定跌，即刻鴉雀無聲，無人發言，想不到昨日星期一就馬上上演這套回吐劇。
尋日既回吐只係第一集，第二集睇下今日上唔上得番30076，我唔識估，昨日港股收市，港期就颷二三百點，耐人尋味，我自己無補貨，只係昨早有食糊，沒想到收市後能升咁多，上次周四下跌，我有買call博，今次無，睇下點？
如果今日上唔番，早前公開講過個市狂升pattern就首次破壞了，太重貨overtrade的朋友應落d車先，而一直保持適當注碼的朋友，可等期指跌穿昨日和今日底位（暫時29348，學生們就記得用上堂教嘅精準EP，尤其是嗰幾個filters），先正式鳴金收兵，檢視形勢再行部署。如果唔跌穿，心雄好友可以繼續罩照戴、股照炒，再等下一次破壞pattern ， 重覆再做，盡量食盡呢一潮。當然年紀大如我，心臟負荷不來，昨日再食些。死啦！如果你都唔知嚟緊升定跌喎，記住投資唔係估升跌，係主要用策略，貨幾時都可以揸沽到，進退係一定要根據你嘅自身情況同值博率而決定。
我近來運氣幾好，賺到一桶金，所以先食多些糊，目前係12月30日以來持貨最低水平，袋袋平安，留些資金在手，再出發重點打遊擊。
牽動恒指創年內新高的科網股，上得急，落得快, 科技指數失守萬點關，包括騰訊京東等ATMJ一樣，都係睇住大市祇不過升幅又比較大時，跌幅亦都係大噉解嗻，反而#772閱文在相對低位勁升10.5%，帶動媒體板塊造好，回一回再破頂，我打游擊。
講起傳媒板塊， 市場快手沽貨去抽快手， 焦點應該確定此股無疑，由於市場憧憬該股將快速獲納入恒生科指，勢吸引熱錢大手入飛。並留意到港股短視頻概念股#3700映客股價的大幅波動，破頂我短炒，真係好短架。
車股方面，韓國SK集團尋求與吉利設立氫能合資公司，SK可能會向該合資公司投資至多約1萬億韓元. 百度也可能加入這個項目。#175吉利汽車創新高後陰燭。#2333長城汽車基本面唔差都係陰燭，車股睇嚟都係要唞下氣。
噉當然整個板塊入邊都有嘢值得打遊擊嘅，好似我上星期五喺sun channel，講值得落注賭一賭嘅nkla call， 尋日升三倍， 正股都升兩成幾，呢啲咪值得打遊擊囉，嗱咪話事後講啊，事前一早話你知嘅，當日未升任你買架。
芯片股就有啲蠢蠢欲動，#981中芯昨日就逆市造好，似乎內地加強擴展國產半導體產業的決心；全球汽車及手機製造商對晶片需求大，已出現供不應求現象，早前傳出汽車生產商因缺乏所需晶片須減產，最近包台積電及聯電等在內的台灣晶片代工商考慮在農曆新年後把價格上調一至兩成。利好國內芯片需求, 水漲船高。1347/285可做做功課。
美股方面，散戶繼續追捧電視遊戲零售商GameStop，唔知係唔係受到Elon Musk 點名支持(眼瞓冇去證實)，GameStop收市狂飆92.71%，市後時段一度再升60%，市值首度突破100億美元；美國的遊戲軟件零售店GameStop本來就被華爾街睇死，未來會虧損，因為這個年代怎會需要去實體店買遊戲機和軟件呢？網上下載這麼方便。於是被對沖基金看中，大肆沽空，卻惹來持有該股的散戶在社交平台號召大挾淡倉，一呼百一，股價幾日暴漲逾3倍，沽空者痛苦萬分，包括星級對沖基金 Melvin Capital 創辦人Gabe Plotkin，他管理的基金年初至上周五跌了15%，牛市中輸大錢因他沽空了GameStop及其他股份。攪到最終要搵同業注資，會否部署大反擊，相信好戲還在後頭，但我果招反常已經食到笑不攏嘴了。
士佳說 - 張士佳 舊文
來源 source: http://skycheung.weebly.com