士佳說 - 張士佳 2021年1月6日
【#士佳說 】張士佳：識炒，唔止養妻活兒
【#士佳說 】張士佳：識炒，唔止養妻活兒
前晚美股大跌，揸重港股的朋友，又驚自己中伏，尋日朝，我掟左個位27107比大家，唔跌穿，唔洗驚，結果最低見27176，相差危位27107只有69點，正好博危前有機。
我唔知最低會幾多，只知低過27107就危，我27200樓下就補番少少前日走的貨，結果佢連27530都升穿埋，尋日講過，升穿就大勢向好，當然大勢向好我唔知係急升定會唔會調整，我睇到方向就已經夠用。
向好，都唔洗我講，有炒開既都知，講個股唔升番10%過外，講出黎都比人笑，好彩，升多過10%的，手上都有唔少，今日講三四隻。
昔日愛股微創#853我$10樓下炒到$35走。今轉$36上番車，昨日大市跌，見佢不跌反升穿$42.2再加，一口氣升到$49，肥肥，食半留半，陰燭回一回，再破頂，又係長揸之選。。
啤酒我一直只炒炒下，無長揸，反而奶就周不時有同大家提，昨日奶就爆上了，聖牧#1432大升不在講，現代牧業#1117連日上升，連老大哥蒙牛#2319都爆，內需股中，奶係穩健之選。
話左你聽#2013我有，但唔多，多既係中國有LIKE#8083，尋日爆唔停，佢公司官網話，自2021年元旦，中高階版本費提價。短期對收入貢獻提升。其實佢2018年已主動提價30%，2019年推出「雲服務費」，2020年又加，商業化持續加速，肯定咗佢嘅龍頭定價能力。呢隻我講咗好耐你都冇我就冇話可說，不過，我相信這個板塊係高增長的明日之星，#3738受派系影響，#2013會慢慢上力，清除蟹貨，破頂可追的有此板塊的半新股#909。
前日專登提大家兩個轆，昨日#1585再次起動，我在節目講過，受惠RCEP細水長流，唔理佢調整了，坐上去喇。
唔寫咁多股了，先前每日所寫，已有好多對象，現在最重要的是注碼放幾多，這點很多人都做得唔好，最近在路上，有人認出我，問我些股票問題，一問就知對方持貨情況，問我有咩股好買，即手上唔夠貨，先前唔敢買甩左，問我個市幾時調整，一就係滿手貨驚跌市，一係就無咩貨，睇淡個市，等住沽或沽左，呢d答案在這一刻好重要，我星期五朝早10點 sun channel一一話您知。
市場周二聚焦美國國會參議院Georgia州兩個議席重選，共和黨只要在Georgia州選舉中拿下一席，便能保住參議院多數地位，維持共和及民主兩黨分別控制參眾兩院的局面。倘民主黨取得參議院控制權，即全面控制國會，待拜登就任總統後，可更容易推動加稅等不利股市的政策。昨晚美股反覆，其後低位回升，能源股抽高，波音股價反彈支撑Dows；英特爾Intel 和蘋果APPL都造好。
隔晚美股大跌, 不過港股似乎並沒有受到影響，低開逐步修復再破前日高位27530, 更上埋27700, 成交量再度放大突破2000億達2150.3億，顯示有資金踊躍入市挪貨。
昨日升市主要受5G及手電訊商夾高指數,三大電訊商均有巨資在抄底，#762中國聯通、#728中國電信、#941中國移動均升勢強勁, 還有#788 中國鐵塔似乎都見底, 事實上以他們的營運利潤, 目前估值遠低於世界水平。5 G是未來電訊商的主要機遇，若拜登上台實現有留意#763中興通訊股價的應該比較值博，其公告發行股份購買資產並募集配套資金申請獲得中國證監會批准，若獲得資金支持，未來的業務或會順暢一些。但股市場上熱炒的板塊個股何其多, 再比一比較圖表, 這些5G電訊股可能要再排一排隊.
#388香港交易所表現強悍，嗶哩嗶哩可能將於本週末或下週初申請在港上市，擬籌資超20億美金。另外，滴滴計劃於2021年赴港IPO，估值600-800億美元。行情向好，上市企業開始變得積極，都想在好的市道多融點資，這給香港交易所持續帶來利好催化。同時於美股的中概電商股也受到牽動，嗶哩嗶哩計劃遞交IPO申請，創新高，突破100美元關口。PDD拼多多升11%創新高，JD京東漲超7%，亦創新高，BABA阿里也彈超4%。
港股亦多隻靚股創了新高；#853微創醫療受到董事長增持約2615.89萬股消息刺激升1成半。
#1211比亞迪股份總市值亦突破6000億。兩輪電動車龍頭#1585 雅迪控股升接近一成。要留意的是前期先得比較多的#2333長城汽車沽壓比較大遭北水淨賣出。
雲計算的#856偉仕佳傑也是順利破頂；#8083中國有贊升11.57%。公司官網公佈，自2021年元旦，有贊微商城的電商專業版及旗艦版（中高階版）版本費提價。短期對收入貢獻提升。公司在2018年主動提價30%，2019年推出「雲服務費」，2020年第三次產品迭代提價，商業化持續加速，也彰顯了龍頭的定價能力。
昨日提到的市場龍頭#9633農夫山泉繼續往上拓展空間，各消費股#6993藍月亮集團, #6690海智家電也是緊緊跟隨. 餐飲股#9922九毛九、#1458周黑鴨#291華潤啤酒、#1579頤海國際等等繼續走趨勢。呢兩日要加多留意一人火鍋#520呷哺呷哺，店舖新logo顏值也越嚟越高, 股價也正蠢蠢欲動。
大消費乳製品表現更加突出，下半年開始，因爲白奶類產品需求增加、酸奶和乳飲料產品需求逐步恢復，生鮮乳持續供不應求、價格漲幅超預期。乳業類龍頭#2319蒙牛乳業成為焦點力棒、#6186中國飛鶴也迎頭趕上；另外就是具備奶源優勢的#1432中國聖牧, 圖表還醞釀著潛力爆發。
中字頭個股被激活，#1766中國中車, 市場預計2020年業績將超預期。而且近期簽訂7項合同，涉資約222.6億元。再結合中歐投資協定，一帶一路的延伸，這些工程重器械還有一定的想象空間。 #390中國中鐵、#1618中國中冶等。都是給機械工程的#1157 中聯重科值得留意, 應會相繼#631三一國際爆上。
近兩日指數突破爆上, 看不見頂位置同時且走且看，隨時注意保護自己的倉位，要知道市場調整只是一瞬間, 升得越高越厲害要適當食糊減持, 保利潤持小注心情，便可把時間放長一點，目光就會無比清晰：新能源、科技創新, 尤其是雲概念股、內雙循環的消費股不能缺少, 更爲配置的重點，比左顧右盼還要強得多！
士佳說 - 張士佳 舊文
來源 source: http://skycheung.weebly.com