士佳說 - 張士佳 2021年5月21日
【#士佳說 】張士佳：放虎歸山！？
【#士佳說 】張士佳：放虎歸山！？
尋日個市算強，但又不是太特別，昨日所寫的，今日用得番，外圍經歷了加密貨幣的洗倉下，港股回來都有沽壓。不過亦因議息紀錄要放鴿，科技股表現較舊經濟好，科技指數反升1.3%，是近來少有的跑贏，昨晚美股時段也延續這個情況，反映加息的隱憂逐漸減低。淡友昨日無追殺好友，放虎歸山，且看好友今日能否突圍！？
QQ業績，大家看不好，所以ADR下跌，但我又不是看得太差，首季經調整盈利增長22%，手遊增長放緩至19%，坊間普遍指不及預期。不過我認為算是合格表現，特別是手遊在去年的高基數下，仍有19%增速。而且國內首季移動遊戲市場實際銷售收入同比只增長6.25%，騰訊的表現已是十分出眾。其他業務表現也是不過不失，所以整份成績單算是合格有餘，如陽燭升破615.5，我三個月來第一次睇好QQ。
其他科技股方面，小米主席雷軍指Note 9系列全球銷量突破4520萬台，5月26日將用真芯開啟新Note10。股價有點突破早前橫行的水平，會留意一下。
昨日個市及股上上落落，未有把握，都無咩同學生吹水，只入了隻中藥，今日信心大些，會吹幾隻。
在此寫一隻，我無咩坐艇股，唔係叻，係蝕咁上下，觸及止蝕就走，留賺走蝕係股場賺錢重要原則。但有隻SAAS我只入了第一注，就坐艇到而家，中國有贊#8083我2.3入，現在蝕都無理，反而三注只入了一注，今日唔係吹佢，係佢同行#909，表現比#8083好得多，大概係#8083財技太複雜之故，#2013又做得好，#909也是，証明行業有復甦跡象，我#909一股未有，開始關注，搵機會入手。
士佳說 - 張士佳 舊文
來源 source: http://skycheung.weebly.com