用舊經驗評定新市埸
近日紅爆各大社交網站的，肯定是ViuTv旗下的Mirror與Error。Mirror演唱會門票炒至廿幾萬一張，fans們的尖叫聲震撼九展，這是自九十年代四大天王時期後，香港娛樂圈久違了的瘋狂現象。Error是以真我個性及乜都夠膽死而吸引觀眾，最近扮《新世紀福音戰士
》片段，可體現製作團隊的誠意，一家人趕返屋企睇電視開懷大笑的日子，以為後網絡世代此情不再，原來只要有創意加用心跳出舊有模式，追電視這種樂趣一樣可以回來。但其實在兩年多之前，兩隊組合均不被看好，網民話：「兩年後仲喺度先講嘢啦」、「唱成咁得個樣」、「個樣咁衰邊有人想睇」、「見到Error都想嘔」之類來評論他們，現在，只要有相關他們的報道，留言區只要出現一個半個批評言論，立即被一眾fans群起攻擊。
其實這跟投資一樣，但凡新的投資概念，普羅散戶會將之汙名化，「唔穩陣。」「輸死你。」「有乜乜乜問題未解決，買唔過。」5年前你買金買銀買任何商品期貨也是價值投資，買Bitcoin就係傻仔，今日討論緊，是否升到20萬美元。就算是買實質資產也會被「經驗」KO，08年有多少人因97的經驗而賣去自住樓？當時又有幾多人以九十年代經歷認為買大陸樓是騙局，大陸會G爆？可知道深圳單在這十年已經升了5倍。
散戶狀態是，遇到新概念不研究不考證，以過去的經驗去評估新事物，到了經歷了一個長期上升階段，一是後知後覺驚蝕底不問價高追，二是不知不覺食葡萄繼續鬧，前者高風險後者無錢無面。在外地物業市場，他們會因核心區域升高，退而選擇二三四線，貪求入手容易，從來不問出貨有否二手市場承接，何不一早早著先機呢？筆者在4、5年前到柬埔寨金邊考察，見到當地雖然落後，但發展與資金流入速度極快，國民平均年齡廿多歲，生產力似足九十年代的中國大陸，地價悄悄地一年升幾倍。我也是危機感重的人，想不到當年小試牛刀卻有意想不到的收穫，於上年再參與發展一個新項目針對當地人，其實我還在想，現在寫出來，是否都嫌太早。
HEA富專欄 - 郭釗 舊文
來源 source: http://www.am730.com.hk