士佳說 - 張士佳 2021年6月8日
【#士佳說 】張士佳：機會有，但唔算多
【#士佳說 】張士佳：機會有，但唔算多
每朝我們都會做一大型投票，我很多學生參與去估投資大眾點樣睇，根據過往經驗但凡有七成一面倒走勢，就會出現反高潮。昨日七成估陽燭，未開市就知道「危」，我係好友都唔會同呢啲數據對抗。耶倫話利率上升對美國有利，港重磅科網股即受壓，港股已連跌4個日，指數在28500-600 一帶繼續進行攻防，在這個位置似跌還守，消磨大家意志，係考驗耐性嘅時候。
我全日冇乜做嘢，除咗跟昨日sky說，買了中國玻璃#3300，長城汽車#2333及汽車零件股外，就只買了中國軟件#354。我昨日話小米#1810見底，跟住消息就來贈興，網上流傳片段，小米長沙倉庫發生爆炸，小米澄清該處並非其倉庫，但承認有貨品受到牽連，令其股價急插4%，不排除股價借這消息調整，在27.5附近應有不俗支持，可看候低是否會有買入機會。
廣東省疫情反彈，又以廣州地區確診個案較多，大陸封鎖多個地區小鎮，市民不得境外進出，澳門再次收緊入境檢測要求，曾到過廣州荔灣、番禺等入境人士須隔離，市場憂慮澳門收緊措施影響博彩收入，一衆濠賭股明顯捱沽，我暫時對濠賭股未有興趣，反而本港樓市持續起動，我情願買本地二線地產，甚至地產代理。
市場熱炒wwdc，#2018瑞聲科技尾市炒高6%，上到55蚊，今日若果再有高位宜食半糊等產品發亮。#354中國軟件大升11%。華為舉行鴻蒙作業系統產品發布會後，內地銀行業紛紛表示支援鴻蒙，中銀、信銀信用卡和廣發信用卡均將導入鴻蒙系統。華為指有望打破美國Google、蘋果等公司對操作系統的壟斷，內部目標是今年16%的市佔率，需一億個用戶，以華為手機的市佔，相信並非難事，中軟作為華為的重要合作夥伴，鴻蒙成功下，中軟有望坐到順風車。
係市況麻麻地下，陸續都有嘢炒，有啲零零碎碎，正啱晒我等尋寶愛好，好似疫苗股#6185康希諾的鼻噴霧式吸入型疫苗正在申請緊急使用，並已經進入臨牀二期試驗，所需的劑量是普通皮下注射型疫苗劑量的1/5，而且可以形成黏膜免疫。股價升近8%，似還有上升動力，要跟進；#1099國藥升近半成，全國新冠疫苗累計接種超7.77億劑次 ；國內首創腦膜炎球菌結合疫苗MCV4和輝瑞達成合作，由雙方一起將疫苗推向國內市場，#2196 跌咗五日，尋日跌唔落了。好多股先前升晒上來，現回落左幾天，好似460/268/1789/1858，不妨做做功課。
士佳說 - 張士佳 舊文
來源 source: http://skycheung.weebly.com