士佳說 - 張士佳 2021年8月12日
【#士佳說 】張士佳：板塊中都有強有弱
【#士佳說 】張士佳：板塊中都有強有弱
在內房及金融股帶動下，港股昨日亦造好，雖然升幅不多，但恒指總算連升三日，較為喘定。
據報#2202萬科牽頭財團將收購恒大#3333物業，算是幫恒大集團取回一些現金流，暫解燃眉之急，都令市場對內房的取態好轉，暫時托住大市，但恆大蟹貨咁多，唔容易修復，反而一路以來，恆大債務對內房構成無型威脅，現在稍為鬆口氣，中國海外#688， 華潤置地#1109， #1918融創等尼d最大型內房馬上連升三日；當中大大隻的#960龍湖集團反彈得比較慢，始終佢嘅銷售數據係唔錯，調一調再升可以諗。物管方面當然要先睇#6098碧桂園服務，都係調一調再升可以諗嘅首選；其次係市值第二大嘅#1209華潤萬象，其他物管股相對暫時不是我焦點所在。
講講新能源氫能及電動車，能源股最恐怖嘅係#6865大跌，因為摩通話估值過高，但其他細市值嘅就非常搶鏡，而最搶鏡的是之前提到的#1121金陽新能源已經連續4日破頂，昨日升近2成。還有比較大路的#1811中廣核新能源，創上市新高；而我久不久同學生捉嘅的#956新天綠色又再破頂，破頂我唔追啦，但回落撈有得諗。
再跟進一下儲電儲氫的#3899中集安瑞科宣佈首個油氣氫合建站竣工，系五連升，印象中我應該係第一個在sun channel叫大家睇氫氣嘅人，啲氫氣股升成咁，膚淺嘅我難免有點飄飄然；而#451協鑫新能源系尾市突然升超過7%，原來宣佈成立氫氣能源事業部，呢隻股我喺sun Channel講，同1091大錳一樣我昨日食糊先，有機會再入市先至算。
電動車方面，#1211比亞迪回應話從未向媒體表示將對特斯拉供應刀片電池，亦未表示刀片電池將用於Model Y，又係空穴來風，故比亞迪有少少低開，但係其後都反覆偏穩升少少收市，#2333長城嘅走勢都係差唔多，在阻力位之下整固一下，收市都係微升，我冇參與，反而#175吉利嘅走勢就又強又搶眼，先前落注落去冇落錯。
仲有啲股，可以睇，但係夠鐘啦，都成九點，留返在學生群組，一齊研究。
士佳說 - 張士佳 舊文
本文作轉載及備份之用 來源 source: http://skycheung.weebly.com