士佳說 - 張士佳 2021年8月13日
【#士佳說 】張士佳：角力受惠板塊
【#士佳說 】張士佳：角力受惠板塊
港股在連升三日後，終受到點阻力。國務院再提出要積極推進反壟斷的立法，令本來反彈的勢頭終結。其中政策敏感度高的科技股回落較多，領跌大市，但我覺得咁敏感嘅係恒大，前日上升都係唔多唔少因為見佢鬆一口氣，但係尋日又傳出雲南昆明兩項目已停工，而萬科、碧桂園因為價格等方面問題，暫已退出收購事宜，唔知真定假，呢個係市場嘅信心問題，呢件事有待發酵。
還有當局特別提到要加大食品藥品領域執法力度，也令整個醫療板塊下挫。在這兩個新經濟板塊偏軟下，港股昨日市況氣氛較為保守，亦見成交額近日有所收縮。適逢下週舉行全國人大常委會，也為市場帶來不少不確定性，相信短期內港股難破悶局，特別想講隻#2269 ，年初仲係好鍾意佢，亦都非常有表現，但上幾周上堂，已經同學生講明暫不再沾手，中美之下，佢兩個市場都有，隨時成為磨心，睇定D先至再考慮。
市場資金繼續關顧電車相關股及新能源股， #1211比亞迪股份近年積極開拓北歐市場，最近成功向北歐最大公共交通運營商Nobina集團交付76台純電動大巴士，雖然數量較少，但就開咗北歐市場嘅頭，加上新能源車產銷售高增長7月創新高，如再突破283可以留意。
發展氫能車為主的#2333長城，與華爲合作的#2238廣汽集團、我冇留意，但最近一直有買開嘅#175都有不错表現，北水買最多，呢隻股我都係炒下先，升高啲就走，陰燭又走，因為今日啲股，升得好地地就一支大陰燭（像#6865），暫時唔適宜睇得太長，情願好似隻南方錳業#1091，$1 買$1.51 走曬，再教學生突破阻力再買，尋日皆大歡喜，又升十幾percent，trading 係咁，唔係Investment，呢啲股，要識進退一浸浸做，波幅咁大點樣長揸呢？
航運股又返嚟，因國際航運首次超越每標準箱2萬美元。中遠海控#1919預期今年盈利將上升5倍；太平洋航運#2343也有5%升幅，率先突破。今中國寧波舟山港，有工人感染新冠病毒，要局部關閉，故預計船運、空運價格勢再上升，自己做下功課。
不過有危也有機的，國內雖然有不少整頓政策，亦需要引領經濟復甦的行業，而近年的天災不斷，基建重整工作係冇得停。仲有，美國的基建方案有所進展，在國際角力下，內地都需要在同一方面著力，所以最近基建相關股都靜靜站了起來，都是值得留意的。
士佳說 - 張士佳 舊文
本文作轉載及備份之用 來源 source: http://skycheung.weebly.com