魚樂無窮│港美股市炒風 越吹越遠（唐牛）
魚樂無窮│港美股市炒風 越吹越遠（唐牛）
港股升了幾日後，好快又死氣沉沉。
美股轉了冬令時間後，一眾信徒即時坐立不安。無他，盤前在香港時間下午5點才開始，與以往緊接港股收市後開波，多了一粒鐘空窗期，話多唔多話少唔少。最大鑊係港股升了幾日後，好
快又死氣沉沉，令這一個小時變得更漫長。
美股、外匯、加密貨幣免費即時報價，自選投資組合獲取相關新聞提示。
近期本欄YouTube Channel增設了圍爐炒美環節，顧名思義，就係大家齊齊在開市時段搵美股炒，效果唔錯，在在反映港美炒作氣氛的差異。在美國，雖然已經炒到天咁高，但勝在流通量夠，兼且向上走勢仍在，只要嚴守止蝕，hit and run策略依然奏效，仲有好多概念畀你揀，一股一股咁買又得，玩option刀仔鋸大樹亦得，豐儉由人。
TCL電子起動 疑似創維翻版
在香港，很多監管板塊暫時甚至永久不能沾手︰內房、內銀不買，教育股少掂為妙，賭股諮詢期未完觀望，最叻係科技股，叫有波幅炒下。除了通告股外，可以安心坐貨的，就只有電動車及新能源股，但相關行業在中美市場炒得更喪，無必要在香港囤重兵。而家，你係咪會明白點解香港股市變成咁。
創維（751）變身光伏股後升到冇人信，一個月累積升幅逾倍，同業TCL電子（1070）近日靜靜起革命，網傳創辦人李東生與保利協鑫（3800）董事長朱共山面談，雙方圍繞未來戰略合作事宜進行交流。跟開本欄的讀者都知道，我對協鑫系零興趣，但搏TCL電子成為創維翻版則未嘗不可，皆因短炒止蝕位4.5元，與昨日收市價4.62元很近，上方空間夠廣闊，有興趣請自行操作。
唐牛
fb分享所有直播節目，第一手睇法及冧巴此中尋
https://www.fb.com/tongcow88
IG正式開通，主打吃喝玩樂，將銅臭味減到最低
https://instagram.com/tongcow_88
YouTube開業一周年，繼續在通告尋寶，搵到錢先可以吃喝玩樂
https://www.youtube.com/channel/UCLwEpfQ6w1d-MUVlAS86QcQ
本欄逢周二刊出
魚樂無窮 - 唐牛 舊文
本文作轉載及備份之用 來源 source: http://hk.finance.yahoo.com