士佳說 - 張士佳 2021年11月30日
【#士佳說 】張士佳：逢星期三休息
【#士佳說 】張士佳：逢星期三休息
每朝寫呢一篇Sky說，攰死人，尤其尋晚教學生用軟件，不停講咗三個幾鐘頭，今朝爬起身，真係需要好堅持，來年開始減低工作量，部署正式退休，我暫時淨係寫星期一二四五，休息返一日。
星期一回來好多人諗住指數會低開不少，但香港已經預先跌咗成幾個月，所以冇咁受Omicron疫情消費影響咁。尋晚美國拜登話表明暫無意封城，BioNTech及Moderna又宣布計劃開發Omicron疫苗，油價立即強勁反彈，都有助市況回穩，我自己就唔係咁擔心呢次變種，總覺得係益左藥股，我會細注博下好倉，不過都係搏下彈。
由於央行闢謠微信，支付寶相關收款條碼傳聞，AT冇乜突出，M隨着業績下跌，我又唔覺得特別差。舜宇#2382逆市下能夠迅速補番之前陰燭，強勢表現，尋晚美股蘋果表現亦唔差，繼續持有。
疫情反覆，惡化時炒反疫情股如疫苗股，航運股，好轉時又翻炒復甦股，已周而復始來回會好幾次。騰盛博藥#2137先前走咗轉，現在再升，等回一回破頂再買，市場憧憬新病毒疫苗開發，永勝醫療#1612再爆全20%，食了半，公司委聘美敦力分銷產品往逾30國。若果今日再咁高開或出兩日陰燭，都要考慮食多d袋下利潤，畢竟藥苗消息已經出咗。同時，市場資金開始留意比較低位的藥明康德#2359、君實生物#1877、先健科技#1302（其自主研發的主動脈覆膜支架系統獲國家藥品監督管理局(NMPA)註冊批准），這些都慢慢走好，暫時我三隻都冇，等緊啲低風險入市位。
航運股的在疫情下引發供應鏈緊張，加上新聞話波羅的海乾散貨指數創兩週新高。市場注目中遠海控#1919、海豐國際#1308、東方海外國際#316三隻。不過，留意一旦發現新病毒冇咁大的危機，可能又炒下吾炒下咁，要留意炒疫情行情的節奏，所以航運加疫苗一齊炒，就可以生互補之效。
昨日新能源逆市跑出。綠電及電力設備股有哈爾濱電氣#1133勁升13.5%，最靚升最多，等回少少先；中國電力#2380大升一成二，跟住東方電氣#1072，中廣核新能源#1811及華潤電力#836都不錯，呢堆股票以前有炒，上次出貨訊號走咗，走得唔錯，現在啱啱升，暫最多即市炒下，觀察耐啲先至跟進。
反而氫能源概念股，我比較着重，在香港，我係早睇好呢一瓣，昨日似乎又炒過中國能源建設#3996大手筆出資50億元設立氫能源發展帶起股價，睇下今日有冇follow，尋日升三成，今日再升不得了。做功課圖表上，中集安瑞科#3899靚d，若睇好氫能源產業前景會揀佢多d，洋燭突破10.52值得關注。
跟進一下IGBT芯片板塊，昨日在逆市下仍然升陽燭，唯賽晶科技#580可以食下，由4.6一直儲揸上來，破頂食下，回到支持位再買番。
最後講講元宇宙，尋日喺美股都做得好好， nvda又升，繼續跑贏大市，仲有隻Mttr 升二十幾％，香港呢邊都應該會有表現，大家關注一下。
士佳說 - 張士佳 舊文
本文作轉載及備份之用 來源 source: http://skycheung.weebly.com