士佳說 - 張士佳 2022年1月13日
【#士佳說 】張士佳：嚟緊倍升唔難
【#士佳說 】張士佳：嚟緊倍升唔難
先前寫過，大市到達先前水平，已經係超值，本想等一個恐慌先至入市，但怕恐慌唔來，如果反常升穿23623，就要先入，我對呢股反常力量有些信心，實行又買市升，又買股升，結果買巿嘅衍生升得凌厲，尋晚把握住245xx ，食住一半先，等回一回再升先再加；買大市嗰啲賺得開心，但買個股嗰啲就唔生性，升嘅股都係之前弱股，好在我有#9988 及#3690 ，先前都有同大家交代過，然而其他靚股好似836 / 855/1811 / 3996近日都回，冇辦法，呢啲係先前個市弱雞嘅時候嘅避風港，現在個市被救，投資者就放賺得多多的，去買跌得多多的，所以強股腳軟，呢一個咁嘅氣氛，要等個市靜落嚟嘅時候，睇吓啲強股嘅反應，先知道後續發展會點。我一方面，持有一啲打死唔走或者走完位買返，好似水務，另一方面，就隨着風起雲湧，炒埋近日資金所向。
好似科技股咁，點解升，多得Powell，前晚佢多次提及加息縮表減買債，聽落好似好鷹派，但實際上並未定具體時間，加上中概阿里BABA表現獨秀，返到嚟香港美團跟隨，夾硬搵嘢嚟講主要是發酵疫情宅在家過年，網上經濟手遊消費等概念，頂起指數，由頭升到尾。
Powell 之前仲一直話通脹只係暫時性，但衣家就以正式對抗通脹為政策目標，因為歐美都選擇與病毒共存，重啓經濟，都會加速通脹發生，使資金重返一眾大宗商品，資源及基建相關股份。有色金屬鋁價格硬淨，據說歐洲鋁廠減產，LME鋁庫存大減。 今日繼續留意鋁相關個股中國鋁業#2600、中國宏橋#1378、俄鋁#486。同時，江西銅業#358、紫金礦業#2899都值得關注下一輪炒。
上星期五做sun Channel，唔夠時間講油股，一做完節目，第一時間同學生講了，隨後星期一專登提及油氣幅圖靚，國際油價創下近兩月新高，結果中海油#883宣佈派發特別息，又進行回購，開市gap up 升11%，#857 冇咁勁但都唔錯。通常油炒完就到嫌棄，昨日油高開陰燭，令我望吓啲燃氣股，好似#1600，破左近期個頂了，冇買，就等回一回破頂再上。
講左幾日的建材原材料華潤水泥#1313、海螺水泥#914、中國建材#3323等 ，與基建股中國中鐵#390、中交建#1800前日都已經升左上去，尋日回落少少。可留意埋重型機械股中聯重科#1157追落後。
尋日大升市，當中內房及內銀股都要回，相對疲弱，晚上融創中國#1918就話配股，仲要系超級低位10蚊配，折讓成15%。反映年尾內房非常水緊，都要小心警惕。
指數去到24623之前大阻力位附近，可能會震上震落，但係我覺得好多個股已經低於價值區，肯用心做功課，想搵啲今年升五成以上或者甚至倍升嘅，絕對唔難，學生們可以睇住區間（紫呎）等訊號；至於未係學生嘅，就唯有去以下呢個連結。Standby ，等我再開班了。
士佳說 - 張士佳 舊文
本文作轉載及備份之用 來源 source: http://skycheung.weebly.com