士佳說 - 張士佳 2022年1月14日
【#士佳說 】張士佳：為下一轉準備好過
【#士佳說 】張士佳：為下一轉準備好過
港股星期三升600幾點後，尋日反覆靠穩，係大環境不是太好的情況下，先是內房股受融創#1918大手低位配股下，集體下跌，科技股又明顯回吐，冇太大衝擊指數仍有得微升廿幾點，算是強了，但全日高位低於前晚夜期，我們前晚期指好倉獲利及時，現在大市似乎找到阻力水平，加上美聯儲副主席提名人布雷納德聽證會指，對FOMC在3月加息持開放態度；令市場有少少驚加息提前黎，種種種種都講尋日嘅阻力好大，正路係會回吐，不過頂部係圓嘅，隨時Chok上chok落，除非收市高於24540，否則都係反覆遇阻力格局。
暫時買股都係保守些，短線能夠炒起嘅股唔多，價值修復股得幾瓣可以留意，不過現階段我都係觀察居多，價值修復股炒過就算，就好似融創咁，留意北水卻無懼融創巨額配股，仲搶住買超過8億，不過收市都仲未上返配股價，未知個底係邊，食住花生先，我都係比較喜歡買增長股，但現在本身係龍頭嘅#2382／#669 ，都死下死下，暫唔會有特別寄望，增長股要等大市唔升，佢哋反而升先至有啲希望，暫時好想炒嘅，就睇吓以下幾瓣，否則都係做吓功課，等下一轉，炒增長倍升股。
美國通脹得厲害，12月美國消費者價格指數飆升7%，創下39年來的新高，而且疫情導致全球供應鏈破壞，對資源有色金屬利好，所以尼幾日都轉向炒疫情股同埋資源，已經連續慢升左幾日，相關銅、鋁等期貨都在漲。上次提到過的中國宏橋#1378、俄鋁#486、中國鋁業#2600、江西銅業#358、紫金礦業#2899等相信會加速再上升。煤炭都值得重視，似乎股重拾動力，留意兗煤#1171、神華#1088、易大宗#1733等。
天然氣供應出現緊張問題，因海運堵塞影響運送，再加上美國上週原油庫存大降，WTI原油期貨及布倫特原油期貨再升，大嘅油股抖氣中，但中石化#386仍很強勢，留意做煉油的中石化冠德#934，圖表睇落好順暢。天然氣除咗尋日提到的天倫燃氣#1600再破頂之外，崑崙能源#135及新奧能源#2688都表現不錯。
疫情因素再對航運物流股經濟做成刺激。衆多集裝箱船堵塞在港口等待泊岸，航運船隻也創下新高。太平洋航運#2343、海豐國際#1308、中遠海控#1919、東方海外#316等航運股，及嘉里物流#636等再被炒高，見到有投資者買入，投信心一票。
市場焦點暫仍在估值修復，但總有停嘅時候，如果見到增長股做返大陽，而估值修復股回落，咁就可以搏一搏增長股危前有機。
小编：尋日提一提為下轉倍升股做功課作準備，好多朋友即刻standby 左Sky Sir 課程，想學方法炒港股，甚至美股。怕你誤會，唔係話你聽阿Sir短期內會開班，Sir要等疫情冇咁嚴峻嘅時候，完成埋手上嘅課程先，只不過唔Standby，到時就一定冇你份咁解。
士佳說 - 張士佳 舊文
本文作轉載及備份之用 來源 source: http://skycheung.weebly.com