士佳說 - 張士佳 2022年4月27日
【#士佳說 】張士佳：Endgame？
【#士佳說 】張士佳：Endgame？
昨日做了些波段高沽低揸行動，及操作一兩隻股票，無乜其他大動作。前日，在19920平淡倉，反手做了些好，昨日升高至20200附近食糊，話埋比学生聽情願高啲先至再買過，D股當時全部都唔係好得，唔信佢突然轉強跟住沽空埋大市，跌番到19950，又執200幾點，以為自己好叻，尋晚198xx/197xx/196xx逐少逐少買，而家坐艇無言中，唯一叻嘅係沽時注碼遠大於揸，現在揸唔多，進入老散期望mode。美股大跌，道指跌800，標普仲誇跌120，理由係乜，俄威脅如西方再用武器支援烏，會出動核武咁話，嘩！睇得Avengers 4，End game 多，老外梗係無睇“AS tears go by“，華仔教亞烏繩，“傾咁耐，有料就郁左你啦”，唔使驚幻覺嚟嘅嗻，噉又真係冇乜好驚喔，得兩个結果，出核，當你出其他國家都自動出，跌八百一千或者3000都冇乜所謂啦，錢還重要嗎？但當唔出純粹嚇鬼，咁咪升番囉？咁又未必噃，今年加息唔同人咁品，前兩日美股大陰燭，我咪話逢高沽，無乜彈高未必有沽，但我睇淡心態明顯，tsla都跌12%，你幾時見我在tsla反彈時叫買佢，早就話睇淡，人哋大股東都未得閒搞，掛住搞twitter，借視線，散戶揸住雞碎咁多走去同佢頂？傻的嗎？Iron man暫時唔喺度，你估真係I Love u 3000咩？美股今年都難再顯雄風。
美股港股平行宇宙，港股就好些少，永遠都係系人哋大跌之後，跌少D扮英，所以我見跌就買啲，信心真係唔大，我注碼少少大大聲，阿爺話要穩定市場信心，希望唔係減存準呢D招數啦。
個股就搏得正斗買左些低槓桿美團牛，坐小艇，上海豐城掀起對智能化即時配送嘅需求競爭，美團前日已經醞釀反彈，我諗住博第一批科技股反彈就係美團，我又見我沽緊期指咪買啲美團手囉，點知都未食得切就跌返落嚟，今日都係要捱啦；好在有炒另一隻創夢天地1119，嘩！冇理性下跌七成，大佬！騰訊揸十幾二十巴仙，你估垃圾股咩，結果由底升上去200%咁滯，升得太快，提学生睇時都彈升好多，醒目即睇即買，都有五成進賬，半個鐘唔使有五成，咪我尋日講，有啲唔關個市事嘅股，見勢值得冒下險，全日冒過兩次險一次成功(1119）一次失敗（美團牛），拉勻有曬著數。
今日？除非又有1119咁嘅机會，如果唔係風頭火勢，手上有啲股艇緊，又揸左少少期，唔搞住，捱下先，今日大家估跌，理應反彈，唔彈就頭痕了。
士佳說 - 張士佳 舊文
本文作轉載及備份之用 來源 source: http://skycheung.weebly.com