渾水專欄│睇書學投資？（渾水）
渾水專欄│睇書學投資？（渾水）
財經日新月異，變
化太大。今天有用的書，說不定明天就沒用了。
我的訂閱和讀者最喜歡問我一個問題——我想學投資，應該睇咩書入手？
我通常打趣回應：「我覺得大部份財經書都冇用，如果要睇，那就睇我寫的財經書吧。」
財經日新月異，變化太大。今天有用的書，說不定明天就沒用了。每次見到讀者問我睇咩書的時候，我都大感頭痛。說起上嚟也有一點倒自己米，我覺得自己最早期的著作也有四成內容已經過時了，所以我只能夠持續不停去寫，與時並進。
以前我寫殻股相關的著作，寫財技，很少人寫到好像我那麼精密，連一些莊家背景，點樣勾劃莊家網絡的技巧和數人哋手花嘅原理都公布出來。事過境遷，現在莊家都死了一大半，我這套技巧，也不那麼及時，所以逼著我也要與時並進。雖然技巧會過時，但心法不會，但心法實在太虛無飄渺，講領悟和頓悟，唔係咁多讀者去到呢個層次。
財經書普遍來講好難搵到佳作，實戰自學比較有效率。
紅透兩岸三地的李開復書也提供了一些意見。其中一個參考，我們應該避免睇成功學嘅書。
提升自己 睇哲學歷史經濟書
成功學的書睇完之後會如沐春風，但通常內容空洞，多看無益，對內在涵養和知識增長亦冇裨益。除咗成功學之外，銷售或心靈雞湯裏的書本我都避免，這些都是心靈毒藥。
真正睇完會對內在修養、商業決策有所增益嘅書，反而係哲學、歷史和經濟學等。學歷史可以借古鑒金，對今時今日審時度勢好有用，今天我們面對的國際關係，以前世界已經經歷過一次。經濟學嘅思考邏輯亦都有助幫你分析唔同現象背後的原理，對於一啲人民金錢活動，你會有一個完全嶄新嘅角度。
用哲學角度去睇事物，往往會有一些新奇嘅角度，很難完全，只能心領神會。如果要睇書，應該多啲睇呢啲書。如果要學好財經，反而首先要學好經濟。只要經濟學一讀通，好多嘢都好自然讀得通，其他東西都可以慢慢疊加累積上去。至少，你睇財經新聞唔會覺得太吃力。
渾水
本欄隔周刊出
渾水專欄 - 渾水 舊文
本文作轉載及備份之用 來源 source: http://hk.finance.yahoo.com