士佳說 - 張士佳 2022年5月11日
【#士佳說 】張士佳：跌市詛咒變祝福
【#士佳說 】張士佳：跌市詛咒變祝福
我今早無出稿，好多人pm問候，多謝関心，無事。平時我六七點起身寫稿，今晨早要送女去練波，回來太攰，諗住眠一眠，點知起身已八點半，唔想將貨就time，所以12:30先出，請諒。
美股大跌，我補番期期，尋日又儲美團，又開牛，真係富貴險中求，哎，應該係啖飯險中求至真，系外圍極弱勢底下，港股由最低19063上到執筆時的19772，美團更升穿星期五高位，由最低144去到163，值得高興。
但係又唔好高興到貪勝不知輸，我先前話現港股比美股好，只係美跌一仟我哋跌600，唔係佢跌我哋升，就算升都唔會升得多，美股跌極唔彈，點都會拖低港股，所以同大市相關嘅呢啲短線操作，有食要食，唔好客氣。
咁點解低位我唔係好驚，因為中概股又被加多11隻納入預摘名單，都唔知加到第六定第七批了，接近140隻已在被觀察名單，差唔多要全部都加曬咁濟，所以我學生群組話唔駛好似先前咁驚，我估市場開始麻目，所以中概股淡倉暫走，等佢彈啲先至再沽過，長遠中概我一定唔睇好，我估美帝不會輕易放手，但又唔會即時摘牌，因為捉住你嘅要害，唔會整死你但又唔會放生你，咁先至獲得最大利益。
在大跌市當中，手上有些強股，有些艇股像#688中海外，#830中國建築，#1113長實，#390中國中鐵，#1729匯聚科技，#330思捷環球，#1668華南城，#3668兗煤澳大利亞等都可以跟到大市反彈，低開後收復大部分失地並做到大陽燭的。可跑贏大市的，即有資金抄底，要尊重。這些都是我們一直有跟進的大趨勢股，我沒有跟市跌而改變策略。
當中最誇係我尋日講嘅#1623，由尋日底到頂，差不多升成倍，穿0.79頂入，即賺三成，$1樓上走唔到，0.9點都可走，10幾巴仙，呢隻野chok住咁升，點解升得咁勁，資料話佢係油氣輸送管塗層材料供應商，由於國際制裁，競爭對手被迫縮減在俄業務，令佢係俄羅斯擁有30%市場份額咁話，呢D信住五成先，14億市值，難放心大注，食半留半算，致於我點留意到呢隻野，睇下面我積極參與嘅37/2255/330/1729幾幅圖就心領神會，除2255，我都續有加。
圖﹕海隆控股 #1623
圖﹕遠東酒店 #37
圖﹕海昌海洋公園 #2255
圖﹕思捷環球 #330
圖﹕匯聚科技 #1729
而尋日提到的山東新華製藥#719，華潤醫藥#3320買入A股昆藥600422.SH的28%權益，都有資金跟進，預計會跟住A股有同步趨勢，#3320我冇買，但#6078我有，呢兩日都升得好番。
除了疫情未斷，通脹、債息、加息及美元持續強勢，都暫時是股市最大的麻煩。反而近日大跌落嚟近2000點，個別本地銀行似乎最有抗跌力，尤其是中銀香港#2388、渣打#2888，可以趁跌市儲下，否則當大市反彈，突然出大陽燭，就未必會追得切，如果嫌呢D慢，1183751兩隻近日都優於大市，等回一回再陽破頂，可以關注一下。
編按：疫情中，個市又唔得，呀Sir 停左開班一段日子，期間好多朋友查詢再開班日期，現在個股在低位蠢蠢欲動，我們會在五月開一班，有興趣嘅，請用報名link留位。
報名及留位連結：https://bit.ly/3OSJj7h
士佳說 - 張士佳 舊文
本文作轉載及備份之用 來源 source: http://skycheung.weebly.com